Nukte.kz > جاھان > ماقالا مازمۇنى

بۇۇ بايانداماشىسى: حاشوگيدى ساۋد ارابيياسىنىڭ جوعارى شەندىلەرى ءولتىردى

بۇۇ-نىڭ زاڭسىز ءارى سوتتان تىس ءولىم جازالارى جونىندەگى ارنايى بايانداماشىسى حاشوگيدى ساۋد ارابيياسىنىڭ جوعارى شەندىلەرىنىڭ ولتىرگەنىن ايتتى.

حاشوگي

Al Alam ارناسىنىڭ مالىمەتى بويىنشا, اگنەس كاللامارد بەيسەنبى كۇنى دجامال حاشوگيدى ءولتىرۋ ىسىنە قاتىستى: «بۇل قىلمىس زاڭسىز ءولىم جازاسى سانالادى. ساۋدييالىق شەنەۋنىكتەردىڭ قىلمىستاعى رولىنە بايلانىستى بۇل ىسكە قاتىستى شىنايى ءارى سەنىمدى تەرگەۋ جۇمىستارى جۇرگىزىلۋى كەرەك»,- دەدى.

ساۋدييالىق پروكۋرور ساۋد بين ابدۋللا ءال-مۋدجەب: «قولدا بار مالىمەتتەرگە سايكەس, ءتىلشىنى الدىن الا جوسپار بويىنشا ولتىرگەن. تەرگەۋ جۇمىستارى اقيقاتتى انىقتاپ, قىلمىسكەرلەردى ءادىل سوتقا تاپسىرعانشا جالعاسادى»,- دەدى.

سونىمەن قاتار بريتانييالىق ازاماتتار لوندونداعى ساۋد ارابيياسى ەلشىلىگىنىڭ الدىندا جينالىپ, ۇلىبريتانييانىڭ بۇل رەجيمگە قارۋ-جاراق ساتۋ جونىندەگى ارىپتەستىگىن توقتاتۋدى سۇرادى.
بەيسەنبى كۇنى ۇيىمداستىرىلعان نارازىلىق شەرۋىنە قاتىسقاندار ساۋد اۋلەتى رەجيمىنىڭ قىلمىستارىن ايىپتاپ, «ساۋد اۋلەتى رەجيمىنە ءولىم!», «بين سالمانعا ءولىم!», «قارۋ-جاراقپەن قامتاماسىز ەتۋدى دوعارىڭدار!» جانە «حاشوعدجيدىڭ تاعدىرى تۋرالى اقيقاتتى انىقتاڭدار!» دەپ ۇرانداتىپ, ساۋد رەجيمىن بيلىكتەن قۇلاتۋدى سۇرادى.

ءبولىسۋ: 

پىكىر 0

مىندەتتى*