Nukte.kz > قوعام > ماقالا مازمۇنى

جەمقورلىق تۋرالى حابارلاپ سىياقى الدى

جەمقورلىق فاكتىلەرى تۋرالى حابارلاعان 82 قازاقستاندىق 12 071 470 تەنگەنى قۇرايتىن سىياقى العان.

تامىزدىڭ ءبىرىنشى جۇلدىزىندا «سىبايلاس جەمقورلىقتىڭ الدىن الۋ, قىزمەتتىك ادەپتى ساقتاۋ جانە مەملەكەتتىك قىزمەت كورسەتۋ ساپاسىن ارتتىرۋ» تاقىرىبىندا ينتەرنەت-كونفەرەنتسييادا قازاقستاندىقتاردىڭ سۇراقتارىنا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى ولجاس بەكتەنوۆ جاۋاپ بەرگەن بولاتىن.

وندا بەكتەنوۆ بيىلعى جىلى كوررۋپتسييا فاكتىلەرىن اتاعاندارعا 12 ملن تەڭگە كولەمىندە سىياقى بەرىلگەنىن اتاعان.

وسىعان بايلانىستى, Stan.kz جىبەرگەن رەسمي ساۋالىنا جاۋاپ قاتقان اگەنتتىكتىڭ ايتۋىنشا سىبايلاس جەمقورلىق فاكتىلەرى تۋرالى حابارلاعان 82 ازامات, بارلىعى 12 071 470 تەنگەنى قۇرايتىن سىياقى العان.
«ونىڭ ىشىندە اۋىر ەمەس قىلمىس تۋرالى 1 ازامات, اۋىرلىعى ورتاشا قىلمىس تۋرالى 31 ازامات جانە اۋىر قىلمىستار تۋرالى 50 ازامات حابارلاعان.

سىبايلاس جەمقورلىق فاكتىلەرى دالەلدەنگەن ءار ءىس بويىنشا حابارلاعان تۇلعالار سىياقىلارى قازاقستان رەسپۋبليكاسى ۇكىمەتىنىڭ 2015 جىلعى 30 جەلتوقسانداعى № 1131 قاۋلىسىمەن بەكىتىلگەن «سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلدا وزگە دە جولمەن جاردەمدەسەتىن ادامداردى كوتەرمەلەۋ قاعيدالارىن بەكىتۋ تۋرالى» ەرەجەلەرى نەگىزىندە قىلمىستىڭ اۋىرلىق دارەجەسىنە قاراي تولەنەدى», – دەيدى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وكىلى.

ءبولىسۋ: 

پىكىر 0

مىندەتتى*