Nukte.kz > Qoğam > Maqala mazmunı

Aqtöbede «Tablïğï jamağat» ökilderi sottaldı

25 şilde küni Aqtöbe qalalıq sotınıñ «Tablïğï jamağat» uyımınıñ jeti müşesine qatıstı ükimi küşine endi. Bul twralı Aqtöbe oblıstıq sotınıñ baspasöz qızmeti xabarladı.

Tergew materïaldarına qarağanda, sottalwşılar bul dinï uyımğa 2000 jıldan bastap müşe bolğan. «Osı bağıtta wağız tıñdap, bilimderin jetildirw üşin Ündistan men Päkistanğa barıp kelgen. Soñğı kezderi wağız-nasïxattı oblıs turğındarı arasında belsendi türde jürgize bastağan. Yağnï, arnayı top qurıp, üy aralap, wağız aytqan».

«Tablïğï jamağat» xalıqaralıq uyımın sot ékstremïstik dep tanığannan keyin onıñ qızmetine el awmağında tıyım salınğan. «Sottalwşılar ol twralı bile tura «Tablïğï jamağat» ïdeologïyasın taratwmen aynalısqan» dep xabarlaydı oblıstıq sot.

Sottıñ mälimetinşe, «Tablïğï jamağat» uyımına müşe bolğan jeti aqtöbelikti QR UQK ökilderi 2018 jılğı mamır ayında qamawğa alğan. Olardıñ üstinen QR QK 405 babı boyınşa («Ékstremïstik uyımnıñ äreketine qatısw») is qozğalğan.

Sottalwşılardıñ besewi Aqtöbe qalasınıñ turğındarı, ekewi Xromtaw awdanınan. Barlığı da köpbalalı, äyelderi jumıssız, özderi burın-soñdı sottalmağan. Osını jäne ayıptalwşılardıñ tergewge kömekteskenin eskerip, sot olardıñ bas bostandığın bir-üş jıl aralığında şektedi.

Bölisw: 

Pikir 0

Mindetti*