Nukte.kz > Qoğam > Maqala mazmunı

Ärbir memlekettik qızmetşi moral’dıq-ädeptilik normalardı saqtawğa mindetti

«Qazaqstan Respwblïkası memlekettik qızmetşileriniñ ädeptilik normaların jäne minez-qulıq qağïdaların odan äri jetildirw jönindegi şaralar twralı» Qazaqstan Respwblïkası Prezïdentiniñ Jarlığınıñ normalarında adal, ädil, qarapayım bolwğa, jalpı qabıldanğan moral’dıq-ädeptilik normaların saqtawğa, azamattarmen jäne äriptesterimen qarım-qatınasta sıpayılıq pen ädeptilik tanıtwğa; öziniñ is-äreketimen jäne minez-qulqımen qoğam tarapınan aytılatın sınğa sebepker bolmawğa, sınağanı üşin qwdalawğa jol bermewge, orındı, sındı kemşilikterdi joyu men öziniñ qızmetin jaqsartw üşin paydalanw talaptarı ayqındalğan.

Qazaqstan Respwblïkası Memlekettik qızmet isteri jäne sıbaylas jemqorlıqqa qarsı is-qïmıl agenttiginiñ Qızılorda oblısı boyınşa departamenti joğarıda atalğan Elbası Jarlığı normalarınıñ saqtalwın qadağalawdı jüzege asıratın organ bolıp tabıladı.

Ağımdağı jıldıñ mawsım ayında az. É.Ï. Qızılorda oblısınıñ tabïğï reswrstar jäne tabïğat paydalanwdı rettew basqarmasınıñ bölim basşısı azamattarmen jäne äriptesterimen qarım-qatınasta sıpayılıq pen ädeptilik tanıtpaytındığın aytıp, soñğınıñ äreketine qatıstı Departamentke şağım bildirgen.

Şağımğa säykes Departament tarapınan jospardan tıs tekserw jürgizilip, tekserw nätïjesimen bölim basşısı tarapınan «Qazaqstan Respwblïkası memlekettik qızmetşileriniñ ädeptilik normaların jäne minez-qulıq qağïdaların odan äri jetildirw jönindegi şaralar twralı» Qazaqstan Respwblïkası Prezïdentiniñ Jarlığınıñ normaları buzılğandığı anıqtalğan.

Tekserw qorıtındısı boyınşa Qızılorda oblısınıñ tabïğï reswrstar jäne tabïğat paydalanwdı rettew basqarmasına bölim basşısınıñ tärtiptik mäselesin qaraw twralı usınw engizilip, bölim basşısı «qatañ sögis» türindegi tärtiptik jazağa tartıldı.

Bawırjan Momışulınıñ sözimen aytqanda «Tärtipsiz el bolmaydı, tärtipke bas ïgen qul bolmaydı», yağnï, ärbir memlekettik qızmetşi Qazaqstan Respwblïkasınıñ zañ normalarımen ayqındalğan talaptardı saqtawğa mindetti.

N. ALÏEV,
Qazaqstan Respwblïkası Memlekettik qızmet isteri
jäne sıbaylas jemqorlıqqa qarsı is-qïmıl agenttiginiñ
Qızılorda oblısı boyınşa departamenti
memlekettik qızmet salasındağı
baqılaw basqarmasınıñ bas mamanı

Bölisw: 

Pikir 0

Mindetti*