Nukte.kz > قوعام > ماقالا مازمۇنى

ءاربىر مەملەكەتتىك قىزمەتشى مورالدىق-ادەپتىلىك نورمالاردى ساقتاۋعا مىندەتتى

«قازاقستان رەسپۋبليكاسى مەملەكەتتىك قىزمەتشىلەرىنىڭ ادەپتىلىك نورمالارىن جانە مىنەز-قۇلىق قاعيدالارىن ودان ءارى جەتىلدىرۋ جونىندەگى شارالار تۋرالى» قازاقستان رەسپۋبليكاسى پرەزيدەنتىنىڭ جارلىعىنىڭ نورمالارىندا ادال, ءادىل, قاراپايىم بولۋعا, جالپى قابىلدانعان مورالدىق-ادەپتىلىك نورمالارىن ساقتاۋعا, ازاماتتارمەن جانە ارىپتەستەرىمەن قارىم-قاتىناستا سىپايىلىق پەن ادەپتىلىك تانىتۋعا; ءوزىنىڭ ءىس-ارەكەتىمەن جانە مىنەز-قۇلقىمەن قوعام تاراپىنان ايتىلاتىن سىنعا سەبەپكەر بولماۋعا, سىناعانى ءۇشىن قۋدالاۋعا جول بەرمەۋگە, ورىندى, سىندى كەمشىلىكتەردى جويۋ مەن ءوزىنىڭ قىزمەتىن جاقسارتۋ ءۇشىن پايدالانۋ تالاپتارى ايقىندالعان.

قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى جوعارىدا اتالعان ەلباسى جارلىعى نورمالارىنىڭ ساقتالۋىن قاداعالاۋدى جۇزەگە اسىراتىن ورگان بولىپ تابىلادى.

اعىمداعى جىلدىڭ ماۋسىم ايىندا از. ە.ي. قىزىلوردا وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ءبولىم باسشىسى ازاماتتارمەن جانە ارىپتەستەرىمەن قارىم-قاتىناستا سىپايىلىق پەن ادەپتىلىك تانىتپايتىندىعىن ايتىپ, سوڭعىنىڭ ارەكەتىنە قاتىستى دەپارتامەنتكە شاعىم بىلدىرگەن.

شاعىمعا سايكەس دەپارتامەنت تاراپىنان جوسپاردان تىس تەكسەرۋ جۇرگىزىلىپ, تەكسەرۋ ناتيجەسىمەن ءبولىم باسشىسى تاراپىنان «قازاقستان رەسپۋبليكاسى مەملەكەتتىك قىزمەتشىلەرىنىڭ ادەپتىلىك نورمالارىن جانە مىنەز-قۇلىق قاعيدالارىن ودان ءارى جەتىلدىرۋ جونىندەگى شارالار تۋرالى» قازاقستان رەسپۋبليكاسى پرەزيدەنتىنىڭ جارلىعىنىڭ نورمالارى بۇزىلعاندىعى انىقتالعان.

تەكسەرۋ قورىتىندىسى بويىنشا قىزىلوردا وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنا ءبولىم باسشىسىنىڭ تارتىپتىك ماسەلەسىن قاراۋ تۋرالى ۇسىنۋ ەنگىزىلىپ, ءبولىم باسشىسى «قاتاڭ سوگىس» تۇرىندەگى تارتىپتىك جازاعا تارتىلدى.

باۋىرجان مومىشۇلىنىڭ سوزىمەن ايتقاندا «ءتارتىپسىز ەل بولمايدى, تارتىپكە باس يگەن قۇل بولمايدى», ياعني, ءاربىر مەملەكەتتىك قىزمەتشى قازاقستان رەسپۋبليكاسىنىڭ زاڭ نورمالارىمەن ايقىندالعان تالاپتاردى ساقتاۋعا مىندەتتى.

ن. اليەۆ,
قازاقستان رەسپۋبليكاسى مەملەكەتتىك قىزمەت ىستەرى
جانە سىبايلاس جەمقورلىققا قارسى ءىس-قيمىل اگەنتتىگىنىڭ
قىزىلوردا وبلىسى بويىنشا دەپارتامەنتى
مەملەكەتتىك قىزمەت سالاسىنداعى
باقىلاۋ باسقارماسىنىڭ باس مامانى

ءبولىسۋ: 

پىكىر 0

مىندەتتى*