Nukte.kz > Qoğam > Maqala mazmunı

BJZQ qorına aqşa awdarmağan frïlanserler jawapqa tartıladı

Bul twralı BJZQ basqarma törağasınıñ orınbasarı Säwle Egewbaeva mälimdedi.

«Waqıtılı jarna tölemegen agentter üşin ösim qarastırıladı. Agent degenimiz – mindetti zeynetaqı jarnasına aqşa awdarwğa tïis zañdı, jeke tulğalar. Äkimşilik quqıqbuzwşılıq twralı zañ turğısınan olarğa birinşi kezde ayıppul salınıp, qaytalanğan jağdayda olar jawapqa tartıladı», – dedi basqarma törağasınıñ orınbasarı Säwle Egewbaeva.

Onıñ aytwınşa, 2020 jılğa qaray elimizde jalpığa birdey tabıstı deklaracïyalaw şaraları engiziledi. Soğan säykes, jeke tabıstı anıqtaw bastaladı. Zeynetaqı jarnasın durıs tärtippen äri waqıtılı tölewdi memlekettik kirister organdarı qadağalaydı.

«Jaña tärtipke säykes, azamattıq-quqıqtıq sïpattağı şarttar boyınşa tabıs tawıp otırğan jeke tulğalar men jeke käsipkerlerdiñ aylıq kirisi esepteledi. Sodan ekinşi deñgeyli bankter arqılı 10% öndiriledi», – dedi Säwle Egewbaeva.

Eske sala keteyik, «Zeynetaqımen qamtamasız etw» twralı zañğa özgerister engizilgen bolatın. Zañğa säykes, azamattıq-quqıqtıq sïpattağı şarttar boyınşa tabıs tabatın jeke tulğalar zeynetaqı tölemin jasawğa mindetteldi.

BJZQ bul özgeristerden oñ nätïje kütedi. Zañ 14 şildede öz küşine enedi.

Bölisw: 

Pikir 0

Mindetti*