Nukte.kz > قوعام > ماقالا مازمۇنى

بجزق قورىنا اقشا اۋدارماعان فريلانسەرلەر جاۋاپقا تارتىلادى

بۇل تۋرالى بجزق باسقارما توراعاسىنىڭ ورىنباسارى ساۋلە ەگەۋباەۆا مالىمدەدى.

«ۋاقىتىلى جارنا تولەمەگەن اگەنتتەر ءۇشىن ءوسىم قاراستىرىلادى. اگەنت دەگەنىمىز – مىندەتتى زەينەتاقى جارناسىنا اقشا اۋدارۋعا ءتيىس زاڭدى, جەكە تۇلعالار. اكىمشىلىك قۇقىقبۇزۋشىلىق تۋرالى زاڭ تۇرعىسىنان ولارعا ءبىرىنشى كەزدە ايىپپۇل سالىنىپ, قايتالانعان جاعدايدا ولار جاۋاپقا تارتىلادى», – دەدى باسقارما توراعاسىنىڭ ورىنباسارى ساۋلە ەگەۋباەۆا.

ونىڭ ايتۋىنشا, 2020 جىلعا قاراي ەلىمىزدە جالپىعا بىردەي تابىستى دەكلاراتسييالاۋ شارالارى ەنگىزىلەدى. سوعان سايكەس, جەكە تابىستى انىقتاۋ باستالادى. زەينەتاقى جارناسىن دۇرىس تارتىپپەن ءارى ۋاقىتىلى تولەۋدى مەملەكەتتىك كىرىستەر ورگاندارى قاداعالايدى.

«جاڭا تارتىپكە سايكەس, ازاماتتىق-قۇقىقتىق سيپاتتاعى شارتتار بويىنشا تابىس تاۋىپ وتىرعان جەكە تۇلعالار مەن جەكە كاسىپكەرلەردىڭ ايلىق كىرىسى ەسەپتەلەدى. سودان ەكىنشى دەڭگەيلى بانكتەر ارقىلى 10% وندىرىلەدى», – دەدى ساۋلە ەگەۋباەۆا.

ەسكە سالا كەتەيىك, «زەينەتاقىمەن قامتاماسىز ەتۋ» تۋرالى زاڭعا وزگەرىستەر ەنگىزىلگەن بولاتىن. زاڭعا سايكەس, ازاماتتىق-قۇقىقتىق سيپاتتاعى شارتتار بويىنشا تابىس تاباتىن جەكە تۇلعالار زەينەتاقى تولەمىن جاساۋعا مىندەتتەلدى.

بجزق بۇل وزگەرىستەردەن وڭ ناتيجە كۇتەدى. زاڭ 14 شىلدەدە ءوز كۇشىنە ەنەدى.

ءبولىسۋ: 

پىكىر 0

مىندەتتى*