Nukte.kz > Qoğam > Maqala mazmunı

Quqıqtıq tärbïeniñ mañızı zor

Azamattıq qoğam quqıqtıq memlekettiñ qalıptaswınıñ bastı alğışarttarınıñ biri – jasöspirimderdiñ quqıqtıq bilimin jetildirw, quqıqtıq mädenïetin qalıptastırw, äsirese onıñ quramdı böligi – jasöspirimderdiñ quqığınıñ mädenïeti. Jasöspirimderdiñ quqıqtarı twralı aqparatpen oqwşılardı jüyeli türde qamtamasız etwdiñ qajettiligi mañızdı ekenin eskersek, onda bul salada jasöspirimderdiñ quqıqtıq mädenïetin qalıptastırwda mañızdı quraldıñ biri – bilim berw uyımdarı.

Qoğamnıñ eñ özekti mäseleleri­niñ biri – qılmıstıñ, quqıqbuzw­şı­lıqtıñ aldın alw. Mektebimizde jasöspirimniñ azamattıq, pat­rïottıq, adamgerşilik, salawat­tıq, quqıqtıq, mädenï, şığar­maşılıq qasïetterin damıtw jäne qalıptastırw üderisi jüzege asırıladı. Bul ujım müşelerine ülken jawapkerşilik pen mindet jükteydi. Quqıqtıq tärbïe berw jasöspirimdi jan-jaqtı tär­bïelewdiñ bir salası. Quqıqtıq tärbïe maqsatı – oqwşılarda qu­qıqtıq mädenïet pen quqıqtıq is-äreket qalıptastırıp, olardı quqıqtıq zañdılıq talaptarın tüsinwge äri moyındawğa bawlw.

Jastardı quqıqtıq sawattılıq­qa tärbïelew olardıñ qılmısqa urın­bawına, özdiginen ömirdegi mäselelerdi şeşwde durıs şeşim qabıldawına, keleñsiz, jağımsız jağdaylardan tartınwına, qoğamda paydalı ispen şuğıldanwına järdemdesedi. Oqwşılardıñ mekteptegi ömiri tulğanıñ azamat bolıp qalıptaswınıñ şeşwşi kezeñi bolıp tabıladı. Mektep qabırğasında adamgerşiligi, dünïetanımı, senimderi, ujım­şıldığı, tärtiptiligi, özine jäne basqağa talap qoyuı, adaldığı men şınşıldığı, qayırımdılığı men ustamdılığı, jigerligi men batıldığı qalıptasadı. Quqıqtıq mädenïetti qalıptastırıp damıtw elimizdiñ bolaşağın ayqındawşı körsetkişterdiñ biri desek, öskeleñ urpaqqa sapalı quqıqtıq bilim men sanalı tärbïe berw mektep ujımınıñ mindeti.

Mektebimizde oqwşılar mektep tabaldırığın alğaş attağan künnen bastap, olar­dıñ boyında quqıqtıq mäde­nïetti qalıptastırw maqsatı közde­ledi. Quqıqtarı men mindetteri tü­sindirilip, lezdemelerde mektep erejesine say naqtı talaptardı oındaw kerektigi ünemi eskertile otırıp, qanday jağdayda da qu­qıqtarı qorğalatındığı aytıladı. Jıl sayın mektep ürdisinde oqw jılı basınan jasöspirimder arasındağı quqıq buzwşılıqtıñ aldın alwda mektep dïrektorı G.Kwl’baeva, mektep äkimşiligi, ata analar qawımdastığı, sınıp jetekşileri, okrwg äkimi men yuvenaldı polïcïya ïnspektorımen birlese otırıp, keñes qurılıp, kezekşilik kestesi josparlandı.

Keñestiñ bastı maqsatı – tärbïelenwşilerdiñ quqıqtıq sanasın keñeytw, olardıñ balalar men jastar ortasında quqıq buzwşılarğa qarsı turwğa dayındığın qalıptastırw jäne quqıqtıq tärbïe sayasatın jürgizw. Mektep psïxologı men älewmettik pedagog jäne sınıp jetekşileri oqwşılarğa psïxologïyalıq-pe­dagogïkalıq zerttew jumısın, jas erekşeligine säykes türli sawalnamalar men dïagnostïkalar jürgizedi. Awdandıq bilim böliminiñ josparı boyınşa quqıq buzwşılıqtıñ aldın alw, quqıq­tıq jalpı oqıtw taqırıbında aptalıqtar, aylıqtar, is-şaralar josparlanadı. Atalğan is-şaralarda mektep oqwşıları belsene qatısadı, öz jawapkerşilikterin sezine­di. Awdandıq prokwrotwranıñ qızmetkelerimen ay sayın quqıq­buzwşılıqtıñ aldın alw taqı­rı­bında däris oqıladı, taqırıptıq vïdeorolïkter körsetiledi. Munday därister jasöspirimderdiñ quqıqtıq mädenïetin qalıptastırwda köp kömek beredi.

Beybitgül TUTQABEKOVA,
№1 orta mekteptegi
«Jas zañger» üyirmesiniñ jetekşisi

Almatı oblısı
Ile awdanı
Qoyanqus awılı

Bölisw: 

Pikir 0

Mindetti*