Nukte.kz > قوعام > ماقالا مازمۇنى

قۇقىقتىق تاربيەنىڭ ماڭىزى زور

ازاماتتىق قوعام قۇقىقتىق مەملەكەتتىڭ قالىپتاسۋىنىڭ باستى العىشارتتارىنىڭ ءبىرى – جاسوسپىرىمدەردىڭ قۇقىقتىق ءبىلىمىن جەتىلدىرۋ, قۇقىقتىق مادەنيەتىن قالىپتاستىرۋ, اسىرەسە ونىڭ قۇرامدى بولىگى – جاسوسپىرىمدەردىڭ قۇقىعىنىڭ مادەنيەتى. جاسوسپىرىمدەردىڭ قۇقىقتارى تۋرالى اقپاراتپەن وقۋشىلاردى جۇيەلى تۇردە قامتاماسىز ەتۋدىڭ قاجەتتىلىگى ماڭىزدى ەكەنىن ەسكەرسەك, وندا بۇل سالادا جاسوسپىرىمدەردىڭ قۇقىقتىق مادەنيەتىن قالىپتاستىرۋدا ماڭىزدى قۇرالدىڭ ءبىرى – ءبىلىم بەرۋ ۇيىمدارى.

قوعامنىڭ ەڭ وزەكتى ماسەلەلەرى­نىڭ ءبىرى – قىلمىستىڭ, قۇقىقبۇزۋ­شى­لىقتىڭ الدىن الۋ. مەكتەبىمىزدە ءجاسوسپىرىمنىڭ ازاماتتىق, پات­ريوتتىق, ادامگەرشىلىك, سالاۋات­تىق, قۇقىقتىق, مادەني, شىعار­ماشىلىق قاسيەتتەرىن دامىتۋ جانە قالىپتاستىرۋ ۇدەرىسى جۇزەگە اسىرىلادى. بۇل ۇجىم مۇشەلەرىنە ۇلكەن جاۋاپكەرشىلىك پەن مىندەت جۇكتەيدى. قۇقىقتىق تاربيە بەرۋ ءجاسوسپىرىمدى جان-جاقتى ءتار­بيەلەۋدىڭ ءبىر سالاسى. قۇقىقتىق تاربيە ماقساتى – وقۋشىلاردا قۇ­قىقتىق مادەنيەت پەن قۇقىقتىق ءىس-ارەكەت قالىپتاستىرىپ, ولاردى قۇقىقتىق زاڭدىلىق تالاپتارىن تۇسىنۋگە ءارى مويىنداۋعا باۋلۋ.

جاستاردى قۇقىقتىق ساۋاتتىلىق­قا تاربيەلەۋ ولاردىڭ قىلمىسقا ۇرىن­باۋىنا, وزدىگىنەن ومىردەگى ماسەلەلەردى شەشۋدە دۇرىس شەشىم قابىلداۋىنا, كەلەڭسىز, جاعىمسىز جاعدايلاردان تارتىنۋىنا, قوعامدا پايدالى ىسپەن شۇعىلدانۋىنا جاردەمدەسەدى. وقۋشىلاردىڭ مەكتەپتەگى ءومىرى تۇلعانىڭ ازامات بولىپ قالىپتاسۋىنىڭ شەشۋشى كەزەڭى بولىپ تابىلادى. مەكتەپ قابىرعاسىندا ادامگەرشىلىگى, دۇنيەتانىمى, سەنىمدەرى, ۇجىم­شىلدىعى, تارتىپتىلىگى, وزىنە جانە باسقاعا تالاپ قويۋى, ادالدىعى مەن شىنشىلدىعى, قايىرىمدىلىعى مەن ۇستامدىلىعى, جىگەرلىگى مەن باتىلدىعى قالىپتاسادى. قۇقىقتىق مادەنيەتتى قالىپتاستىرىپ دامىتۋ ەلىمىزدىڭ بولاشاعىن ايقىنداۋشى كورسەتكىشتەردىڭ ءبىرى دەسەك, وسكەلەڭ ۇرپاققا ساپالى قۇقىقتىق ءبىلىم مەن سانالى تاربيە بەرۋ مەكتەپ ۇجىمىنىڭ مىندەتى.

مەكتەبىمىزدە وقۋشىلار مەكتەپ تابالدىرىعىن العاش اتتاعان كۇننەن باستاپ, ولار­دىڭ بويىندا قۇقىقتىق مادە­نيەتتى قالىپتاستىرۋ ماقساتى كوزدە­لەدى. قۇقىقتارى مەن مىندەتتەرى ءتۇ­سىندىرىلىپ, لەزدەمەلەردە مەكتەپ ەرەجەسىنە ساي ناقتى تالاپتاردى وىنداۋ كەرەكتىگى ۇنەمى ەسكەرتىلە وتىرىپ, قانداي جاعدايدا دا قۇ­قىقتارى قورعالاتىندىعى ايتىلادى. جىل سايىن مەكتەپ ۇردىسىندە وقۋ جىلى باسىنان جاسوسپىرىمدەر اراسىنداعى قۇقىق بۇزۋشىلىقتىڭ الدىن الۋدا مەكتەپ ديرەكتورى گ.كۋلباەۆا, مەكتەپ اكىمشىلىگى, اتا انالار قاۋىمداستىعى, سىنىپ جەتەكشىلەرى, وكرۋگ اكىمى مەن يۋۆەنالدى پوليتسييا ينسپەكتورىمەن بىرلەسە وتىرىپ, كەڭەس قۇرىلىپ, كەزەكشىلىك كەستەسى جوسپارلاندى.

كەڭەستىڭ باستى ماقساتى – تاربيەلەنۋشىلەردىڭ قۇقىقتىق ساناسىن كەڭەيتۋ, ولاردىڭ بالالار مەن جاستار ورتاسىندا قۇقىق بۇزۋشىلارعا قارسى تۇرۋعا دايىندىعىن قالىپتاستىرۋ جانە قۇقىقتىق تاربيە ساياساتىن جۇرگىزۋ. مەكتەپ پسيحولوگى مەن الەۋمەتتىك پەداگوگ جانە سىنىپ جەتەكشىلەرى وقۋشىلارعا پسيحولوگييالىق-پە­داگوگيكالىق زەرتتەۋ جۇمىسىن, جاس ەرەكشەلىگىنە سايكەس ءتۇرلى ساۋالنامالار مەن دياگنوستيكالار جۇرگىزەدى. اۋداندىق ءبىلىم ءبولىمىنىڭ جوسپارى بويىنشا قۇقىق بۇزۋشىلىقتىڭ الدىن الۋ, قۇقىق­تىق جالپى وقىتۋ تاقىرىبىندا اپتالىقتار, ايلىقتار, ءىس-شارالار جوسپارلانادى. اتالعان ءىس-شارالاردا مەكتەپ وقۋشىلارى بەلسەنە قاتىسادى, ءوز جاۋاپكەرشىلىكتەرىن سەزىنە­دى. اۋداندىق پروكۋروتۋرانىڭ قىزمەتكەلەرىمەن اي سايىن قۇقىق­بۇزۋشىلىقتىڭ الدىن الۋ تاقى­رى­بىندا ءدارىس وقىلادى, تاقىرىپتىق ۆيدەوروليكتەر كورسەتىلەدى. مۇنداي دارىستەر جاسوسپىرىمدەردىڭ قۇقىقتىق مادەنيەتىن قالىپتاستىرۋدا كوپ كومەك بەرەدى.

بەيبىتگۇل تۇتقابەكوۆا,
№1 ورتا مەكتەپتەگى
«جاس زاڭگەر» ۇيىرمەسىنىڭ جەتەكشىسى

الماتى وبلىسى
ىلە اۋدانى
قويانقۇس اۋىلى

ءبولىسۋ: 

پىكىر 0

مىندەتتى*