Nukte.kz > قوعام > ماقالا مازمۇنى

تۇرعىندارعا قۇقىقتىق كەڭەس بەرىلدى

«تۋعان جەر» قوعامدىق قوزعالىسى» قاۋىمداستىعى جانە قىزىلوردا وبلىستىق ىشكى ساياسات باسقارماسىمەن بىرلەسكەن كەزەكتى شارالارىنىڭ ءبىرى «جاينا» ساۋدا ورتالىعىندا ءوتتى. كەڭەس بەرۋ ورنىنىڭ ساۋدا ۇيلەرىندە ورنالاسۋى كەزدەيسوق ەمەس. سەبەبى بۇل جەر تۇرعىنداردىڭ ەڭ كوپ شوعىرلاناتىن ورنى.

مۇندا ءار سالانىڭ جاۋاپتى ماماندارىنىڭ كومەگىمەن كەز كەلگەن تۇرعىنعا باسپانا الۋ, كاسىپ اشۋ, قۇقىق قورعاۋ جانە تاعى دا باسقا وزدەرىن تولعاندىراتىن ماسەلەلەرى جايىندا تولىق اقپارات الا الادى. كەڭەس بەرۋگە قۇقىق قورعاۋ ورگانىنىڭ وكىلى, تۇرعىن ءۇي قۇرىلىس جيناق بانكى ايماقتىق فيليالىنىڭ كونسۋلتانتتارى, ۇكىمەتتىك ەمەس ۇيىم وكىلدەرى مەن زاڭگەر قاتىستى.

مەملەكەتتىك باعدارلامالار بويىنشا اقپاراتتار ايتىلدى, زاڭنامالارعا تۇسىندىرمەلەر بەرىلدى, سۇراقتار قويىلدى, جاۋاپتار بەرىلدى. اقپاراتتىق تاراتپا ماتەريالدار ۇلەستىرىلدى. ۇيىمداستىرىلعان «كەڭەس بەرۋ» ءىس-شاراسىنىڭ پايدالى كەڭەسى مەن تۇشىمدى اقپاراتتارى قالا تۇرعىندارىنىڭ يگىلىگى ءۇشىن پايدالى ىستەردىڭ قاتارىندا بولاتىنىنا سەنىمىمىز مول.

ءبولىسۋ: 

پىكىر 0

مىندەتتى*