Nukte.kz > Qoğam > Maqala mazmunı

Elordada 13 balıqşı ayıppul töledi

Balıq awlaw jäne balıq reswrstarı men basqa da sw janwarların qorğaw qağïdaların buzğan üşin 13 quqıqbuzwşı äkimşilik jawapkerşilikke tartıldı, dep xabarlaydı Elorda ïnfo Astana qalası Jergilikti polïcïya qızmetine silteme jasap.

«Jıl basınan beri QR ÄQBtK-niñ 383-şi babınıñ 1 tarmağın «Balıq awlaw jäne balıq reswrstarı men basqa da sw janwarların qorğaw qağïdaların buzw» buzğan 13 quqıqbuzwşı 190 000 teñge kölemindegi äkimşilik jawapkerşilikke tartıldı», – delingen xabarlamada.

Soñğı zañ buzwşılıq jağday ağımdağı jıldıñ mamır ayınıñ 12-şi juldızında orın aldı. Atap aytqanda, Astana q. IID «Sarıarqa» awdanı IIB-nıñ Jergilikti polïcïya qızmetiniñ tabïğattı qorğaw polïcïyasınıñ meken-jayına Kenesarı köşesi awdanındağı «Esil» özeniniñ boyındağı belgisiz adamdardıñ balıq awlawğa arnalğan torlardı ornatıp jatqanı twralı xabarlama kelip tüsti.

«Tekseris barısında Kenesarı köşesindegi «Esil» özeniniñ boyında 1994 jılı twılğan azamattıñ balıq awlaw maqsatında torlardı ornatqanı anıqtaldı», – dep aytılğan xabarlamada.

Atalğan zañ buzwşılıq boyınşa astanalıq azamat 5 AEK (12 025 teñge) kölemindegi äkimşilik jawapkerşilikke tartıldı.

Bölisw: 

Pikir 0

Mindetti*