Nukte.kz > قوعام > ماقالا مازمۇنى

ەلوردادا 13 بالىقشى ايىپپۇل تولەدى

بالىق اۋلاۋ جانە بالىق رەسۋرستارى مەن باسقا دا سۋ جانۋارلارىن قورعاۋ قاعيدالارىن بۇزعان ءۇشىن 13 قۇقىقبۇزۋشى اكىمشىلىك جاۋاپكەرشىلىككە تارتىلدى, دەپ حابارلايدى ەلوردا ينفو استانا قالاسى جەرگىلىكتى پوليتسييا قىزمەتىنە سىلتەمە جاساپ.

«جىل باسىنان بەرى قر اقبتك-ءنىڭ 383-ءشى بابىنىڭ 1 تارماعىن «بالىق اۋلاۋ جانە بالىق رەسۋرستارى مەن باسقا دا سۋ جانۋارلارىن قورعاۋ قاعيدالارىن بۇزۋ» بۇزعان 13 قۇقىقبۇزۋشى 190 000 تەڭگە كولەمىندەگى اكىمشىلىك جاۋاپكەرشىلىككە تارتىلدى», – دەلىنگەن حابارلامادا.

سوڭعى زاڭ بۇزۋشىلىق جاعداي اعىمداعى جىلدىڭ مامىر ايىنىڭ 12-ءشى جۇلدىزىندا ورىن الدى. اتاپ ايتقاندا, استانا ق. ءىىد «سارىارقا» اۋدانى ءىىب-نىڭ جەرگىلىكتى پوليتسييا قىزمەتىنىڭ تابيعاتتى قورعاۋ پوليتسيياسىنىڭ مەكەن-جايىنا كەنەسارى كوشەسى اۋدانىنداعى «ەسىل» وزەنىنىڭ بويىنداعى بەلگىسىز ادامداردىڭ بالىق اۋلاۋعا ارنالعان تورلاردى ورناتىپ جاتقانى تۋرالى حابارلاما كەلىپ ءتۇستى.

«تەكسەرىس بارىسىندا كەنەسارى كوشەسىندەگى «ەسىل» وزەنىنىڭ بويىندا 1994 جىلى تۋىلعان ازاماتتىڭ بالىق اۋلاۋ ماقساتىندا تورلاردى ورناتقانى انىقتالدى», – دەپ ايتىلعان حابارلامادا.

اتالعان زاڭ بۇزۋشىلىق بويىنشا استانالىق ازامات 5 اەك (12 025 تەڭگە) كولەمىندەگى اكىمشىلىك جاۋاپكەرشىلىككە تارتىلدى.

ءبولىسۋ: 

پىكىر 0

مىندەتتى*