Nukte.kz > Qoğam > Maqala mazmunı

Jalğan sertïfïkat jarğa jıqtı

«Ötiriktiñ quyrığı – bir-aq tutam». Xalıq danalığı keşegi Astana medïcïnalıq wnïversïtetinde bolğan dawdan keyin eske tüsip otır. Atalmış wnïversïtetke jürgizilgen jospardan tıs tekseristiñ nätïjesi qoğamdı dür silkindirdi. Sebebi jalğan IELTS sertïfïkatımen oqwğa tüsken 117 adam anıqtalğan. Jalğan sertïfïkat osı waqıtqa deyin nege anıqtalmadı? Elimizdiñ basqa da oqw orındarında osınday sertïfïkatpen ağılşın tilin tapsırmay-aq 100 ball alıp, oqwğa tüsken stwdentter bolwı mümkin be?

Däl qazir bul oqïğa älewmettik jelide keñinen talqığa tüsti. Öytkeni kezinde magïstratwrağa tap osı sertïfïkat ïeleriniñ «kesirinen» oqwğa tüse almay qalğandardıñ sanı köp eken. «Är istiñ bir qayırlısı bar» demekşi, olardıñ köbi esesine şetelde bilim alıp kelgendikterin arnayı xéşteg qoyıp, maqtanışpen jarısa jazwda.

Osı arada zañdı sawal twındaydı. Sonda atalmış wnï­versïtettiñ aqılı böliminde oqïtın stw­dent­teri osılay arız jazıp, tekseris jürgizwge ıqpal etpese, jabwlı qazan jabwlı küyinde qalar ma edi?! Qanşa jerden olardıñ sabaqtı üzdik oqığandarı aytılsa da, zañsızdıqtıñ tirkelgeni – aqïqat. Osı oqïğadan keyin Astana medïcïnalıq wnïversïtetiniñ rektorı baspasöz mäslïxatın ötkizwge mäjbür bolıp, derektiñ anıq-qanığın özi aytıp berdi.

«Stwdentter özderiniñ sertïfïkattarı jalğan ekenin bildi. Biz olardıñ ar-uyatı oyanıp, öz erikterimen oqwdan şığarwğa ötiniş jazatın şığar dep küttik. Öytkeni bul mäselemen quqıq qorğaw organdarı aynalıswda. Keybirewleri öz erikterimen şığıp ketti. Biraq 84 adam öz sertïfïkattarın tüpnusqa dep otır. Stwdenttermen kezdesip, jïnalıs ötkizgen kezde keybiri sertïfïkattı beytanıs äyelden satıp alğanın aytqan bolatın. Bul balanıñ sandırağı, bul stwdentter – dïplomı bar därigerler, soğan qaramastan osınday ötirik aytıp otır. Bul adamdar bile tura qılmısqa bardı» deydi wnïversïtet rektorı Mäjït Şaydarov. Onıñ aytwınşa, büginde 33 adam oqwdan şığarılğan jäne 84 adamdı şığarw twralı jumıs komïssïyasınıñ qarawında jatır. Al keybir stwdentter bolsa alayaqtıqtıñ qurbanına aynal­ğanın jäne sertïfïkattıñ jalğan ekenin bilmegenin moyın­dağan eken.

Sonımen, bul dawdan keyin wnïversïtet JOO keyingi bilim berw dekanımen kelisimşarttı buzıp, al dekannıñ orınbasarı men bas maman öz erikterimen jumıstan ketken körinedi. Oqwdan şığarılğan 117 adamnıñ 82-si rezïdentwrada, 24-i magïstratwrada, qalğan 11-i doktorantwrada oqığanı belgili boldı. Al olarğa ay sayın bölingen qarjı tïınına deyin byudjetke qaytarılmaq. Joğarı oqw ornınan keyingi bilim berw dekanı Ernar Tursınbettiñ aytwınşa, magïstratwrada oqw­dıñ bir aylıq şığını – 65 mıñ teñge, rezïdentwrada – 67 mıñ teñge, al doktorantwrada 120 mıñ teñgeni quraydı.

«Oqwdan şığarılğandar däri­ger­diñ dïplomına ïe bolğandar äri olardıñ rezïdentwra, magïstra­twrağa tüswge quqı bar. Biraq biz olardıñ tizimin tek jarïyalap qana qoymay, Qazaqstannıñ medï­cïnalıq wnïversïtetterine jiberemiz. Olar endi byudjettik negizde oqwğa tüse almaydı, tek aqılı bölimde oqï aladı» deydi wnïversïtet basşısı.

Jalpı, dawdıñ bulay örbwi­ne soñğı waqıtta qujat tapsır­ğandardıñ sertïfïkatın tekse­rip, onıñ tüpnusqalığın tekserwge mümkindik beretin arnayı normanıñ joqtığı. Wnïversïtetke anıqtaw mindeti de jüktelmegen. Buğan deyin jıl sa­yın Bilim jäne ğılım mïnïstrligi sertïfïkattardıñ köşirmelerin alıp otırğandıqtan, munday derekter kezdespegen.

Al medïcïnalıq wnïversïtetke salınğan ayıppulğa kelsek, 25 AEK-ti quraydı. Yağnï bildey oqw ornı 56725 teñge ayıppul tölep, bilim berw qızmetin jürgizw quqığın lïcenzïyalaw äreketin 6 ayğa toqtatqan. Ayta keteyik, lïcenzïyanıñ waqıtşa joqtığı oqw ürdisine eşqanday äserin tïgizbeydi.

– Qalay bolğanda da, bul jağdaydan soñ barlıq wnïversïtetter öz bazaların tek­serip, sertïfïkattardıñ säykestigine köz jetkizdi. Atalğan sertïfïkattı beretin British Council jäne basqa da uyım­darmen baylanısw mümkindigin taptıq. Meniñ oyımşa, process bastalğan sïyaqtı. Tekserw bolğan jağdayda onımen Baqılaw ko­mïteti aynalısadı.

Gülmïra AYMAĞANBET

Bölisw: 

Pikir 0

Mindetti*