Nukte.kz > قوعام > ماقالا مازمۇنى

جالعان سەرتيفيكات جارعا جىقتى

«وتىرىكتىڭ قۇيرىعى – ءبىر-اق تۇتام». حالىق دانالىعى كەشەگى استانا مەديتسينالىق ۋنيۆەرسيتەتىندە بولعان داۋدان كەيىن ەسكە ءتۇسىپ وتىر. اتالمىش ۋنيۆەرسيتەتكە جۇرگىزىلگەن جوسپاردان تىس تەكسەرىستىڭ ناتيجەسى قوعامدى ءدۇر سىلكىندىردى. سەبەبى جالعان IELTS سەرتيفيكاتىمەن وقۋعا تۇسكەن 117 ادام انىقتالعان. جالعان سەرتيفيكات وسى ۋاقىتقا دەيىن نەگە انىقتالمادى؟ ەلىمىزدىڭ باسقا دا وقۋ ورىندارىندا وسىنداي سەرتيفيكاتپەن اعىلشىن ءتىلىن تاپسىرماي-اق 100 بالل الىپ, وقۋعا تۇسكەن ستۋدەنتتەر بولۋى مۇمكىن بە؟

ءدال قازىر بۇل وقيعا الەۋمەتتىك جەلىدە كەڭىنەن تالقىعا ءتۇستى. ويتكەنى كەزىندە ماگيستراتۋراعا تاپ وسى سەرتيفيكات يەلەرىنىڭ «كەسىرىنەن» وقۋعا تۇسە الماي قالعانداردىڭ سانى كوپ ەكەن. «ءار ءىستىڭ ءبىر قايىرلىسى بار» دەمەكشى, ولاردىڭ كوبى ەسەسىنە شەتەلدە ءبىلىم الىپ كەلگەندىكتەرىن ارنايى حەشتەگ قويىپ, ماقتانىشپەن جارىسا جازۋدا.

وسى ارادا زاڭدى ساۋال تۋىندايدى. سوندا اتالمىش ۋني­ۆەرسيتەتتىڭ اقىلى بولىمىندە وقيتىن ستۋ­دەنت­تەرى وسىلاي ارىز جازىپ, تەكسەرىس جۇرگىزۋگە ىقپال ەتپەسە, جابۋلى قازان جابۋلى كۇيىندە قالار ما ەدى؟! قانشا جەردەن ولاردىڭ ساباقتى ۇزدىك وقىعاندارى ايتىلسا دا, زاڭسىزدىقتىڭ تىركەلگەنى – اقيقات. وسى وقيعادان كەيىن استانا مەديتسينالىق ۋنيۆەرسيتەتىنىڭ رەكتورى ءباسپاسوز ءماسليحاتىن وتكىزۋگە ءماجبۇر بولىپ, دەرەكتىڭ انىق-قانىعىن ءوزى ايتىپ بەردى.

«ستۋدەنتتەر وزدەرىنىڭ سەرتيفيكاتتارى جالعان ەكەنىن ءبىلدى. ءبىز ولاردىڭ ار-ۇياتى ويانىپ, ءوز ەرىكتەرىمەن وقۋدان شىعارۋعا ءوتىنىش جازاتىن شىعار دەپ كۇتتىك. ويتكەنى بۇل ماسەلەمەن قۇقىق قورعاۋ ورگاندارى اينالىسۋدا. كەيبىرەۋلەرى ءوز ەرىكتەرىمەن شىعىپ كەتتى. بىراق 84 ادام ءوز سەرتيفيكاتتارىن تۇپنۇسقا دەپ وتىر. ستۋدەنتتەرمەن كەزدەسىپ, جينالىس وتكىزگەن كەزدە كەيبىرى سەرتيفيكاتتى بەيتانىس ايەلدەن ساتىپ العانىن ايتقان بولاتىن. بۇل بالانىڭ ساندىراعى, بۇل ستۋدەنتتەر – ديپلومى بار دارىگەرلەر, سوعان قاراماستان وسىنداي وتىرىك ايتىپ وتىر. بۇل ادامدار بىلە تۇرا قىلمىسقا باردى» دەيدى ۋنيۆەرسيتەت رەكتورى ءماجيت شايداروۆ. ونىڭ ايتۋىنشا, بۇگىندە 33 ادام وقۋدان شىعارىلعان جانە 84 ادامدى شىعارۋ تۋرالى جۇمىس كوميسسيياسىنىڭ قاراۋىندا جاتىر. ال كەيبىر ستۋدەنتتەر بولسا الاياقتىقتىڭ قۇربانىنا اينال­عانىن جانە سەرتيفيكاتتىڭ جالعان ەكەنىن بىلمەگەنىن مويىن­داعان ەكەن.

سونىمەن, بۇل داۋدان كەيىن ۋنيۆەرسيتەت جوو كەيىنگى ءبىلىم بەرۋ دەكانىمەن كەلىسىمشارتتى بۇزىپ, ال دەكاننىڭ ورىنباسارى مەن باس مامان ءوز ەرىكتەرىمەن جۇمىستان كەتكەن كورىنەدى. وقۋدان شىعارىلعان 117 ادامنىڭ 82-ءسى رەزيدەنتۋرادا, 24-ءى ماگيستراتۋرادا, قالعان 11-ءى دوكتورانتۋرادا وقىعانى بەلگىلى بولدى. ال ولارعا اي سايىن بولىنگەن قارجى تيىنىنا دەيىن بيۋدجەتكە قايتارىلماق. جوعارى وقۋ ورنىنان كەيىنگى ءبىلىم بەرۋ دەكانى ەرنار تۇرسىنبەتتىڭ ايتۋىنشا, ماگيستراتۋرادا وقۋ­دىڭ ءبىر ايلىق شىعىنى – 65 مىڭ تەڭگە, رەزيدەنتۋرادا – 67 مىڭ تەڭگە, ال دوكتورانتۋرادا 120 مىڭ تەڭگەنى قۇرايدى.

«وقۋدان شىعارىلعاندار ءدارى­گەر­دىڭ ديپلومىنا يە بولعاندار ءارى ولاردىڭ رەزيدەنتۋرا, ماگيسترا­تۋراعا تۇسۋگە قۇقى بار. بىراق ءبىز ولاردىڭ ءتىزىمىن تەك جارييالاپ قانا قويماي, قازاقستاننىڭ مەدي­تسينالىق ۋنيۆەرسيتەتتەرىنە جىبەرەمىز. ولار ەندى بيۋدجەتتىك نەگىزدە وقۋعا تۇسە المايدى, تەك اقىلى بولىمدە وقي الادى» دەيدى ۋنيۆەرسيتەت باسشىسى.

جالپى, داۋدىڭ بۇلاي ءوربۋى­نە سوڭعى ۋاقىتتا قۇجات تاپسىر­عانداردىڭ سەرتيفيكاتىن تەكسە­رىپ, ونىڭ تۇپنۇسقالىعىن تەكسەرۋگە مۇمكىندىك بەرەتىن ارنايى نورمانىڭ جوقتىعى. ۋنيۆەرسيتەتكە انىقتاۋ مىندەتى دە جۇكتەلمەگەن. بۇعان دەيىن جىل سا­يىن ءبىلىم جانە عىلىم مينيسترلىگى سەرتيفيكاتتاردىڭ كوشىرمەلەرىن الىپ وتىرعاندىقتان, مۇنداي دەرەكتەر كەزدەسپەگەن.

ال مەديتسينالىق ۋنيۆەرسيتەتكە سالىنعان ايىپپۇلعا كەلسەك, 25 اەك-ءتى قۇرايدى. ياعني بىلدەي وقۋ ورنى 56725 تەڭگە ايىپپۇل تولەپ, ءبىلىم بەرۋ قىزمەتىن جۇرگىزۋ قۇقىعىن ليتسەنزييالاۋ ارەكەتىن 6 ايعا توقتاتقان. ايتا كەتەيىك, ليتسەنزييانىڭ ۋاقىتشا جوقتىعى وقۋ ۇردىسىنە ەشقانداي اسەرىن تيگىزبەيدى.

– قالاي بولعاندا دا, بۇل جاعدايدان سوڭ بارلىق ۋنيۆەرسيتەتتەر ءوز بازالارىن تەك­سەرىپ, سەرتيفيكاتتاردىڭ سايكەستىگىنە كوز جەتكىزدى. اتالعان سەرتيفيكاتتى بەرەتىن British Council جانە باسقا دا ۇيىم­دارمەن بايلانىسۋ مۇمكىندىگىن تاپتىق. مەنىڭ ويىمشا, پروتسەسس باستالعان سيياقتى. تەكسەرۋ بولعان جاعدايدا ونىمەن باقىلاۋ كو­ميتەتى اينالىسادى.

گۇلميرا ايماعانبەت

ءبولىسۋ: 

پىكىر 0

مىندەتتى*