Nukte.kz > Slider > Maqala mazmunı

Jalğan anıqtama jasaytın kim?

Büginde 086 anıqtama qağazı men eñbekke jaramsızdıq parağın satwşılar da, satıp alwşılar da köp. Nebäri 7 mıñ teñge töleseñiz, deniñizdiñ sap-saw ekendigin däleldeytin qağaz da, «awırğanıñızdı» rastaytın paraq ta tabıladı.

Osıdan bir ay burın ğana osın­day jalğan medïcïnalıq qujat jasağan toptıñ ustalğanı belgili. Olardı tintw kezinde 086 ülgisindegi medïcïnalıq anıqtamanıñ 200-den astam blankileri, 190-ğa jwıq sanïtarlıq kitapşa, medïcïnalıq mekemeler men därigerlerdiñ 80-nen astam möri, medïcïnalıq analïz nätïjeleri, flyuorografïyalıq swretter, medïcïnalıq dïagnozdar jazılğan kitapşa jäne tağı basqa zattar tabılğan.

Endi Astana qalasınıñ Işki ister departamenti bul mäse­le­ni kün tärtibine qoyıp, jal­ğan qujat jasawşılarmen küre­swdi mıqtap qolğa aldı. «Jasandı medïcïnalıq qujat­tar­dı anıqtaw jäne ötkizw fak­ti­le­riniñ jolın kesw» taqırı­bında ötken jïınğa Densawlıq saqtaw basqarmasınıñ basşılığı, prokwratwra qızmetkerleri, sonımen qatar elordalıq medïcïnalıq mekemelerdiñ basşıları şaqırıldı.
Astana qalası IID Anıqtaw basqarmasınıñ bastığı, polïcïya podpolkovnïgi Asıljan Qaldarbekovtiñ aytwınşa, äsirese eñ jïi kezdesetin qılmıstıq quqıq buzwşılıqtardıñ biri eñbekke waqıtşa jaramsızdıq paraqtarın jasaw bolıp otır. Jıl basınan beri 121 qılmıs­tıq is tergep-tekserilgen, onıñ 47-si sotqa joldanğan eken.

Däl qazirgi waqıtta Anıqtaw basqarması tağı bir qılmıs­tıq isti qolğa alğan. Polïcïya qızmetkerleri ïnternet-reswrs sayttarınıñ birinde qolma- qol aqşağa medïcïnalıq qujattardı usınw twralı xabarlandırw bergen azamattı oqïğa üstinde qolğa tüsiripti. Endi tergew üşin tïisti zerttewler tağayındalğan.
Qalalıq Densawlıq saqtaw basqarmasınıñ bastığı Kamaljan Nadırovtıñ özi de soñğı kezderi jalğan därigerlerdiñ qolın, medïcïnalıq qujattarı men mörlerin paydalanğan derekter jïi orın alıp jatqanın jasırmadı.

Bul mäsele aldağı waqıtta densawlıq saqtaw salasına cïfr­landırw jüyesi keñinen engizilgen kezde şeşimin tabwı mümkin. Degenmen QR Sıbaylas jemqorlıqqa qarsı is-qïmıl agenttigi tarapınan munday qujattardı Xalıqqa qızmet körsetw ortalıqtarınan berw twralı arnayı usınıs qarastırılwda.

Bölisw: 

Pikir 0

Mindetti*