Nukte.kz > Slider > ماقالا مازمۇنى

جالعان انىقتاما جاسايتىن كىم؟

بۇگىندە 086 انىقتاما قاعازى مەن ەڭبەككە جارامسىزدىق پاراعىن ساتۋشىلار دا, ساتىپ الۋشىلار دا كوپ. نەبارى 7 مىڭ تەڭگە تولەسەڭىز, دەنىڭىزدىڭ ساپ-ساۋ ەكەندىگىن دالەلدەيتىن قاعاز دا, «اۋىرعانىڭىزدى» راستايتىن پاراق تا تابىلادى.

وسىدان ءبىر اي بۇرىن عانا وسىن­داي جالعان مەديتسينالىق قۇجات جاساعان توپتىڭ ۇستالعانى بەلگىلى. ولاردى ءتىنتۋ كەزىندە 086 ۇلگىسىندەگى مەديتسينالىق انىقتامانىڭ 200-دەن استام بلانكىلەرى, 190-عا جۋىق سانيتارلىق كىتاپشا, مەديتسينالىق مەكەمەلەر مەن دارىگەرلەردىڭ 80-نەن استام ءمورى, مەديتسينالىق اناليز ناتيجەلەرى, فليۋوروگرافييالىق سۋرەتتەر, مەديتسينالىق دياگنوزدار جازىلعان كىتاپشا جانە تاعى باسقا زاتتار تابىلعان.

ەندى استانا قالاسىنىڭ ىشكى ىستەر دەپارتامەنتى بۇل ماسە­لە­نى كۇن تارتىبىنە قويىپ, جال­عان قۇجات جاساۋشىلارمەن كۇرە­سۋدى مىقتاپ قولعا الدى. «جاساندى مەديتسينالىق قۇجات­تار­دى انىقتاۋ جانە وتكىزۋ فاك­تى­لە­رىنىڭ جولىن كەسۋ» تاقىرى­بىندا وتكەن جيىنعا دەنساۋلىق ساقتاۋ باسقارماسىنىڭ باسشىلىعى, پروكۋراتۋرا قىزمەتكەرلەرى, سونىمەن قاتار ەلوردالىق مەديتسينالىق مەكەمەلەردىڭ باسشىلارى شاقىرىلدى.
استانا قالاسى ءىىد انىقتاۋ باسقارماسىنىڭ باستىعى, پوليتسييا پودپولكوۆنيگى اسىلجان قالداربەكوۆتىڭ ايتۋىنشا, اسىرەسە ەڭ ءجيى كەزدەسەتىن قىلمىستىق قۇقىق بۇزۋشىلىقتاردىڭ ءبىرى ەڭبەككە ۋاقىتشا جارامسىزدىق پاراقتارىن جاساۋ بولىپ وتىر. جىل باسىنان بەرى 121 قىلمىس­تىق ءىس تەرگەپ-تەكسەرىلگەن, ونىڭ 47-ءسى سوتقا جولدانعان ەكەن.

ءدال قازىرگى ۋاقىتتا انىقتاۋ باسقارماسى تاعى ءبىر قىلمىس­تىق ءىستى قولعا العان. پوليتسييا قىزمەتكەرلەرى ينتەرنەت-رەسۋرس سايتتارىنىڭ بىرىندە قولما- قول اقشاعا مەديتسينالىق قۇجاتتاردى ۇسىنۋ تۋرالى حابارلاندىرۋ بەرگەن ازاماتتى وقيعا ۇستىندە قولعا ءتۇسىرىپتى. ەندى تەرگەۋ ءۇشىن ءتيىستى زەرتتەۋلەر تاعايىندالعان.
قالالىق دەنساۋلىق ساقتاۋ باسقارماسىنىڭ باستىعى كامالجان نادىروۆتىڭ ءوزى دە سوڭعى كەزدەرى جالعان دارىگەرلەردىڭ قولىن, مەديتسينالىق قۇجاتتارى مەن مورلەرىن پايدالانعان دەرەكتەر ءجيى ورىن الىپ جاتقانىن جاسىرمادى.

بۇل ماسەلە الداعى ۋاقىتتا دەنساۋلىق ساقتاۋ سالاسىنا تسيفر­لاندىرۋ جۇيەسى كەڭىنەن ەنگىزىلگەن كەزدە شەشىمىن تابۋى مۇمكىن. دەگەنمەن قر سىبايلاس جەمقورلىققا قارسى ءىس-قيمىل اگەنتتىگى تاراپىنان مۇنداي قۇجاتتاردى حالىققا قىزمەت كورسەتۋ ورتالىقتارىنان بەرۋ تۋرالى ارنايى ۇسىنىس قاراستىرىلۋدا.

ءبولىسۋ: 

پىكىر 0

مىندەتتى*