Nukte.kz > Slider > ماقالا مازمۇنى

ەلوردادا ينتەرنەت الاياقتار ۇستالدى

استانادا حابارلاندىرۋ ارقىلى ازاماتتاردى الداپ, اقشاسىن العان بىرنەشە الاياقتىڭ ۇستىنەن ءىس قوزعالدى. اتاپ ايتقاندا, قوستاناي وبلىسىنىڭ بىرقاتار تۇرعىندارى عالامتور ارقىلى بانكتىك كارتالارعا اقشا اۋدارتۋ ارەكەتتەر جاسادى, دەپ حابارلايدى ەلوردا ينفو استانا قالاسىنىڭ ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساپ.

استانا قالاسى ءىىد ءباسپاسوز قىزمەتىنىڭ حابارلاۋىنشا, كۇدىكتىلەر www.kolesa.kz سايتىنا اۆتوبولشەكتەردى ساتۋ جانە جەتكىزۋمەن اينالىساتىندارىن ايتىپ جالعان حابارلاما بەرگەن. قوڭىراۋ تۇسكەن بويدا تۇتىنۋشىمەن كادىمگى ساۋداگەر رەتىندە سويلەسكەن الاياقتار تاۋار تۋرالى, ونى بىرنەشە كۇندە جەتكىزۋ جونىندە كەلىسىمگە كەلەدى. اقىسىن كورسەتىلگەن ەسەپشوتقا الدىن الا تولەم جاساۋعا كوندىرەدى. الايدا, اقشا شوتقا تۇسكەننەن كەيىن, ۇيالى نومىرلەرىن ءسوندىرىپ تاستاپ وتىرعان.

وسىلايشا, كۇن سايىن سيم-كارتا اۋىستىرىپ, اركەتتەرىن جالعاستىرا بەرگەن. قازىرگى ۋاقىتتا تەرگەۋ امالدارى جۇرگىزىلۋدە. ىشكى ىستەر دەپارتامەنتى www.kolesa.kz سايتى ارقىلى ۆيكتور گريگوريان, گەنناديي مارتىنوۆ, سەرگەي تيتوۆ, تەمىرلانا بەيسەن ەسىمدى ازاماتتاردىڭ شوتىنا اقشا اۋدارىپ, الدانىپ قالعان ازاماتتار بولسا 71 63 35, 71 62 91, 71 60 10, 8 701 239 60 00 نومىرلەرىنە حابارلاسۋىن سۇرايدى.

سونىمەن قاتار, ينتەرنەت ساۋدا كەزىندە بارىنشا اباي بولۋدى ەسكەرتەدى.

ءبولىسۋ: 

پىكىر 0

مىندەتتى*