Nukte.kz > Slider > Maqala mazmunı

Neke nege buzıladı?

Qazir ajırasw köp. Astana qalasında ötken jılı sotqa 5358 talap arız kelip tüsken. 4852 is qaralıp, onıñ 324-i taraptardıñ tatwlaswımen ayaqtalğan eken. Jalpı, ajıraswdıñ aldın alwğa baylanıstı Astana qalalıq sotınıñ uyımdastırwımen ötken şarada äyelderdiñ qoğamdağı röli, bala tärbïesi, otbasılıq dawlar keñinen talqılandı.

Atalmış şara Elbasınıñ «Bolaşaqqa bağdar: rwxanï jañğırw» maqalasında körsetilgen mindetterdi iske asırw maqsatında ötti. Oğan Parlament Mäjilisiniñ depwtatı Zağïpa Balïeva, Qazaqstannıñ isker äyelderi qawımdastığınıñ prezïdenti Rawşan Särsembaeva, qalalıq sottıñ törağası Tilektes Bärpibaev, QR Joğarğı Sotı janındağı Sot töreligi akademïyasınıñ vïce – rektorı Nazïlya Razzaq, psïxologtar, medïatorlar men osı sanattağı isterdi qaraytın awdandıq sottardıñ törağaları men swd’yaları qatıstı.

Astana qalalıq sotınıñ törağası Tilektes Bärpibaev bul mäseleniñ mañızdılığın erekşe atap körsetti. Neke buzw procesteri boyınşa 2017 jıldıñ statïstïkalıq körsetkişin keltire otırıp, ajıraswdıñ jıl sayın artıp kele jatqanın tilge tïek etti.

Al depwtat Zağïpa Balïeva: «Bala qılmısker bolıp twılmaydı, kerisinşe darındı bolıp twıladı. Bala tulğasınıñ qalıptaswındağı negizgi swb’’ektiler –ata-ana. Qoğamnıñ mindeti – darındardı tärbïelewge qolaylı ortanı qurwdı qamtamasız etw» dedi öziniñ bayandamasında. Jïınğa qatıswşılar otbasın saqtawdağı sottıñ rölin ayrıqşa bağalap, neke buzw procesteri kezinde medïacïya räsimin qoldanw arqılı dawdı sotqa deyin rettew prïncïpine jäne dağdarıstı jağdaylardı şeşwde psïxolog kömeginiñ qajettiligine erekşe köñil awdardı.

Kezdeswdiñ ekinşi sessïyasında is-şarağa qatıswşılar «ALJÏR» murajay-memorïaldı keşenine barıp, memorïalğa gül şoqtarın qoydı.

Botagöz BAYaNOVA

Bölisw: 

Pikir 0

Mindetti*