Nukte.kz > Slider > Maqala mazmunı

Alayaq äyelder köbeygen

Bügin qala turğındarın päter alıp beremin dep san soqtıratındar köbeygen. Sotta qaralıp jatqan ister qatarında osı baptağı qılmıstar sanı artqan. Bul jöninde öñirlik kommwnïkacïyalar qızmetinde ötken brïfïngte qala äkiminiñ orınbasarı Şaxmardan Baymanov mälim etti. Brïfïngke, sonday-aq, qalalıq turğın üy-kommwnaldıq şarwaşılığı jäne turğın üy ïnspekcïyası böliminiñ basşısı Berik Särmenbaev jäne qalalıq işki ister basqarması tergew böliminiñ bastığı Bawırjan Savlyabekov qatıstı.

Soñğı kezderi adamdardıñ senimine kirip, kezeksiz päter alıp berwge sendiretin alayaqtar qatarı artqan. Oñay jolmen oljağa kenelip jürgen bular adamdardıñ aqşasın alğan soñ iz swıtadı.

Buğan dälel soñğı waqıttarı quqıq qorğaw orındarına osınday arızben şağımdanwşılar sanınıñ öskeni. Bar-jïğan tergen qarajatın alayaqtıñ qolına qalay berip qoyğanın keş tüsinip, barmaq tistep qalatındar jeterlik eken. «Turğındar mınanı bilwi tïis. Päter zañdı jolmen, yağnï kezekpen beriledi. Sol üşin sawaldarıñızdı tek tïisti organdarğa ğana barıp qoyğan jön»,–dedi Ş.Baymanov.

Köldeneñ kezdesken adamğa sengenşe qalalıq turğın üy ïnspekcïyasına kelip, sondağı mamandardıñ kömegine jü­ginwge boladı. Turğın üy ïnspekcïyası böliminiñ basşısı Berik Äbdiğapparulı alayaq­tıqtıñ aldın alw üşin tek tïisti orındarmen birlese jumıs jasaw kerektigin eskertti. Sonda munday keleñsizdikke jol berilmeydi.

Jalpı, alayaqtıqqa baratındar, äsirese 25-35 jas aralığındağı äyel adamdar eken. Köpşiliginiñ mamandığı jäne turaqtı jumısı joq. Olar aldımen özderin bilimdi de salïqalı adam retinde körsetwge tırısadı. Keyin «tez qarjı tappasañ, dayın turğan üyden ayırılıp qalasıñ!» dep asıqtırw arqılı oyın iske asıratın körinedi.

Bïılğı jıldıñ üş ayında Qızılor­da qalasınıñ işki ister basqarmasınıñ tergew salasına 162 alayaqtıq qılmıstıq is tirkelgen. Bul boyınşa tïisti jumıstar atqarılğan. Tergew böliminiñ bastığı Bawırjan Savlyabekovtıñ aytwınşa, tirkelgen alayaqtıq qılmıstıñ basım böligi kezeksiz päter alıp berwge, bankterden iri kölemde nesïe alwğa, jumısqa ornalaswğa, jer, jürgizwşi kwäligin alıp berwge jäne dïplom jasap beremin degen alayaqtıñ arbawına tüsip qalğandar. Sonımen birge älewmettik jeli arqılı jasalatın alayaqtıq ta köbeygen. Mäselen, ïnternetten körgen kerekti zatqa qol jetkizw üşin jeliniñ arğı jağındağı janmen baylanıs ornatasız. Jelide jarïyalanğan swretke qarap, tapsırıs beresiz. Al aqşasın kez kelgen sawda orındarında ornalasqan termïnal arqılı töleysiz. Biraq birşama waqıt ötkennen keyin tawar da, aqşa da joq ekenine köziñiz jetedi. Demek, siz alayaqqa aldanıp qaldıñız. Mine, osılay qanşama adamdar alayaqtıñ oñay aldawına tüsedi.

Eskeretin jayt, adamdar aldanıp qalğandarın der kezinde quzırlı orındarğa barıp, şağımdanbaydı eken. Köpşiligi biraz waqıt ötkizip aladı. Eger siz de osınday iste küdik payda bolsa, sol mezette quqıq salasınıñ mamandarınıñ kömegine jügin­geniñiz durıs.

Sara ADAYBAEVA

Bölisw: 

Pikir 0

Mindetti*