Nukte.kz > Slider > ماقالا مازمۇنى

الاياق ايەلدەر كوبەيگەن

بۇگىن قالا تۇرعىندارىن پاتەر الىپ بەرەمىن دەپ سان سوقتىراتىندار كوبەيگەن. سوتتا قارالىپ جاتقان ىستەر قاتارىندا وسى باپتاعى قىلمىستار سانى ارتقان. بۇل جونىندە وڭىرلىك كوممۋنيكاتسييالار قىزمەتىندە وتكەن بريفينگتە قالا اكىمىنىڭ ورىنباسارى شاحماردان بايمانوۆ ءمالىم ەتتى. بريفينگكە, سونداي-اق, قالالىق تۇرعىن ءۇي-كوممۋنالدىق شارۋاشىلىعى جانە تۇرعىن ءۇي ينسپەكتسيياسى ءبولىمىنىڭ باسشىسى بەرىك سارمەنباەۆ جانە قالالىق ىشكى ىستەر باسقارماسى تەرگەۋ ءبولىمىنىڭ باستىعى باۋىرجان ساۆليابەكوۆ قاتىستى.

سوڭعى كەزدەرى ادامداردىڭ سەنىمىنە كىرىپ, كەزەكسىز پاتەر الىپ بەرۋگە سەندىرەتىن الاياقتار قاتارى ارتقان. وڭاي جولمەن ولجاعا كەنەلىپ جۇرگەن بۇلار ادامداردىڭ اقشاسىن العان سوڭ ءىز سۋىتادى.

بۇعان دالەل سوڭعى ۋاقىتتارى قۇقىق قورعاۋ ورىندارىنا وسىنداي ارىزبەن شاعىمدانۋشىلار سانىنىڭ وسكەنى. بار-جيعان تەرگەن قاراجاتىن الاياقتىڭ قولىنا قالاي بەرىپ قويعانىن كەش ءتۇسىنىپ, بارماق تىستەپ قالاتىندار جەتەرلىك ەكەن. «تۇرعىندار مىنانى ءبىلۋى ءتيىس. پاتەر زاڭدى جولمەن, ياعني كەزەكپەن بەرىلەدى. سول ءۇشىن ساۋالدارىڭىزدى تەك ءتيىستى ورگاندارعا عانا بارىپ قويعان ءجون»,–دەدى ش.بايمانوۆ.

كولدەنەڭ كەزدەسكەن ادامعا سەنگەنشە قالالىق تۇرعىن ءۇي ينسپەكتسيياسىنا كەلىپ, سونداعى مامانداردىڭ كومەگىنە ءجۇ­گىنۋگە بولادى. تۇرعىن ءۇي ينسپەكتسيياسى ءبولىمىنىڭ باسشىسى بەرىك ابدىعاپپارۇلى الاياق­تىقتىڭ الدىن الۋ ءۇشىن تەك ءتيىستى ورىندارمەن بىرلەسە جۇمىس جاساۋ كەرەكتىگىن ەسكەرتتى. سوندا مۇنداي كەلەڭسىزدىككە جول بەرىلمەيدى.

جالپى, الاياقتىققا باراتىندار, اسىرەسە 25-35 جاس ارالىعىنداعى ايەل ادامدار ەكەن. كوپشىلىگىنىڭ ماماندىعى جانە تۇراقتى جۇمىسى جوق. ولار الدىمەن وزدەرىن ءبىلىمدى دە ساليقالى ادام رەتىندە كورسەتۋگە تىرىسادى. كەيىن «تەز قارجى تاپپاساڭ, دايىن تۇرعان ۇيدەن ايىرىلىپ قالاسىڭ!» دەپ اسىقتىرۋ ارقىلى ويىن ىسكە اسىراتىن كورىنەدى.

بيىلعى جىلدىڭ ءۇش ايىندا قىزىلور­دا قالاسىنىڭ ىشكى ىستەر باسقارماسىنىڭ تەرگەۋ سالاسىنا 162 الاياقتىق قىلمىستىق ءىس تىركەلگەن. بۇل بويىنشا ءتيىستى جۇمىستار اتقارىلعان. تەرگەۋ ءبولىمىنىڭ باستىعى باۋىرجان ساۆليابەكوۆتىڭ ايتۋىنشا, تىركەلگەن الاياقتىق قىلمىستىڭ باسىم بولىگى كەزەكسىز پاتەر الىپ بەرۋگە, بانكتەردەن ءىرى كولەمدە نەسيە الۋعا, جۇمىسقا ورنالاسۋعا, جەر, جۇرگىزۋشى كۋالىگىن الىپ بەرۋگە جانە ديپلوم جاساپ بەرەمىن دەگەن الاياقتىڭ ارباۋىنا ءتۇسىپ قالعاندار. سونىمەن بىرگە الەۋمەتتىك جەلى ارقىلى جاسالاتىن الاياقتىق تا كوبەيگەن. ماسەلەن, ينتەرنەتتەن كورگەن كەرەكتى زاتقا قول جەتكىزۋ ءۇشىن جەلىنىڭ ارعى جاعىنداعى جانمەن بايلانىس ورناتاسىز. جەلىدە جارييالانعان سۋرەتكە قاراپ, تاپسىرىس بەرەسىز. ال اقشاسىن كەز كەلگەن ساۋدا ورىندارىندا ورنالاسقان تەرمينال ارقىلى تولەيسىز. بىراق ءبىرشاما ۋاقىت وتكەننەن كەيىن تاۋار دا, اقشا دا جوق ەكەنىنە كوزىڭىز جەتەدى. دەمەك, ءسىز الاياققا الدانىپ قالدىڭىز. مىنە, وسىلاي قانشاما ادامدار الاياقتىڭ وڭاي الداۋىنا تۇسەدى.

ەسكەرەتىن جايت, ادامدار الدانىپ قالعاندارىن دەر كەزىندە قۇزىرلى ورىندارعا بارىپ, شاعىمدانبايدى ەكەن. كوپشىلىگى ءبىراز ۋاقىت وتكىزىپ الادى. ەگەر ءسىز دە وسىنداي ىستە كۇدىك پايدا بولسا, سول مەزەتتە قۇقىق سالاسىنىڭ ماماندارىنىڭ كومەگىنە جۇگىن­گەنىڭىز دۇرىس.

سارا ادايباەۆا

ءبولىسۋ: 

پىكىر 0

مىندەتتى*