Nukte.kz > Slider > ماقالا مازمۇنى

ينتەرنەتتەگى الاياقتاردان قالاي قورعانۋ كەرەك؟

بۇگىندە قوعامدا كيبەرالاياقتاردىڭ كوبەيگەنى سونشالىق, ولاردان الدانىپ, سان سوعىپ قالعاندار از ەمەس. اسىرەسە, ينتەرنەتتەگى قۋلار تانىمال ساۋدا الاڭدارىن ءجيى پايدالاناتىن كورىنەدى.

 

«الاياقتار www.kolesa.kz, www.adi.kz, www.olx.kz, www.dogovor24.kz سايتتارىمەن بىرگە, «Facebook», «ۆكونتاكتە», «Mail.ru», «ودنوكلاسسنيكي», سونداي-اق, «WhatsApp», «Telegram», «Instagram» الەۋمەتتىك جەلىلەرىن پايدالانۋ ارقىلى ءارتۇرلى تاۋارلاردى, ونىمدەردى ساتۋعا, ءتىپتى بەلگىلى ءبىر قىزمەت ءتۇرىن كورسەتۋ تۋرالى جارناما ورنالاستىرادى. الدىن-الا Qiwi-امييانعا, ءتۇرلى بانكتەردەگى شوتتارعا تولەم اۋدارۋدى تالاپ ەتەدى, كەيىننەن شوت يەلەرى تەكسەرىلگەن كەزدە ولاردىڭ وزگە ادامداردىڭ اتىنان تىركەلگەندەرى بەلگىلى بولادى. الدىن-الا تولەمىن العان الاياقتار كەيبىر جاعدايدا قۇرباندارمەن كەز كەلگەن ۋاقىتتا بايلانىستا بولادى»,-دەيدى اتىراۋ وبلىستىق ىشكى ىستەر دەپارتامەنتىنىڭ ءباسپاسوز قىزمەتىندەگىلەر.

سونىمەن عالامتورداعى الاياقتاردان قورعانۋدىڭ التى جولىن نازارلارىڭىزعا ۇسىنامىز:

1. راستالماعان ساتۋ كوزدەرىن پايدالانباڭىز;

2. كەز كەلگەن جاعدايدا, بانك كارتالارىڭىزدىڭ جانە شوتتارىڭىزدىڭ مالىمەتتەرىن ەشكىمگە بەرمەڭىز, اسىرەسە, ينتەرنەت ارقىلى بايلانىسقان كەزدە;

3. ينتەرنەتتە, سونىڭ ىشىندە الەۋمەتتىك جەلىلەر ارقىلى جاسالاتىن كۇماندى مالىمەتتەردەن باس تارتىڭىز;

4. ينتەرنەت-پورتالدار ارقىلى مۇلىكتى ساتىپ الۋ (ساتۋ) كەزىندە ەشقاشان الدىن الا كەلىسىم جاساماڭىز;

5. تولەم جۇيەلەرىمەن بەلگىسىز تۇلعالارعا اقشا اۋدارماڭىز;

6. باسقا قالادان اۆتوموبيلدەردى, قوسالقى بولشەكتەردى ساتىپ الاردا, دوستارىڭىز بەن تانىستارىڭىزدان ساتۋشىمەن الدىن-الا كەزدەسۋدى جانە ءونىمدى تەكسەرۋدى ءوتىنىڭىز.

ايقارا عۇمار

ءبولىسۋ: 

پىكىر 0

مىندەتتى*