Nukte.kz > Qoğam > Maqala mazmunı

Bilim mïnïstrligi muğalimderdiñ jalaqısı qalay ösetinin ayttı

QR bilim jäne ğılım vïce-mïnïstri Bïbigül Asılova aldağı jıldarı ustazdardıñ jalaqısı qalay ösetinin mälimdedi, dep xabarlaydı Sputnik Qazaqstan tilşisi.

Vïce-mïnïstrdiñ aytwınşa, muğalimderdiñ jalaqısın ösirw bilim bağdarlamalarınıñ jañartılğan mazmunına köşwge baylanıstı jüzege asadı.

«Osı jıldıñ qañtarınan bastap 1, 2, 5 jäne 7 sınıp muğalimderiniñ, qırküyekten bastap 3, 6 jäne 8 sınıp muğalimderiniñ jalaqısı artadı. Al odan keyin bekitilgen kestege säykes 2019 jıldıñ qırküyek ayınan bastap 4, 9, 10 sınıp, 2020 jılı 11 sınıp ustazdarınıñ eñbekaqısı köteriledi. Elbası joldawında atap ötkendey, qosılatın jalaqı lawazımdıq eñbekaqınıñ 30 payızın quraydı. Mäselen, qalalarda 15 jıl eñbek ötili bar birinşi sanattağı ustazdardıñ jalaqısı 24 mıñ teñgege össe, däl osınday eñbek ötili bar awıl muğaliminiki 25 860 teñgege artadı», — dedi Asılova ükimet üyinde ötken baspasöz mäslïxatında.

Sonday-aq, ol muğalimderge qosımşa aqı tölew jüyesi engiziletinin atap ötti.

«Qosımşa aqı tölew jüyesinde ustazdardıñ biliktilik deñgeyi eskeriledi.  Kategorïya ulttıq biliktilik testi arqılı beriledi. Rastalğan biliktilik deñgeyine baylanıstı jalaqı 20 payızdan 50 payızğa deyin ösedi. Mısalı, eger 15 jıl eñbek ötili bar birinşi sanattağı qala muğalimi test arqılı bir satı joğarı deñgeyge ötse, onda qosımşa aqı 28 mıñ teñge, al awıl muğalimi üşin 36 mıñ teñgeni quraydı»,- dep tüyindedi Asılova.

 

Bölisw: 

Pikir 2

Mindetti*

  1. Törebek : Ustazdıñ eñbegi bağalanw kerek. Bul da märtebesin arttırw bağıtındağı qadamdar
  2. Ayman: Qosımşa aqı tölew jüyesinde ustazdardıñ biliktilik deñgeyi eskeriledi. Kategorïya ulttıq biliktilik testi arqılı beriledi. Rastalğan biliktilik deñgeyine baylanıstı jalaqı 20 payızdan 50 payızğa deyin ösedi. Bul öte jaqsı ğoy!