Nukte.kz > قوعام > ماقالا مازمۇنى

ءبىلىم مينيسترلىگى مۇعالىمدەردىڭ جالاقىسى قالاي وسەتىنىن ايتتى

قر بىلىم جانە عىلىم ۆيتسە-ءمينيسترى بيبىگۇل اسىلوۆا الداعى جىلدارى ۇستازداردىڭ جالاقىسى قالاي وسەتىنىن مالىمدەدى, دەپ حابارلايدى Sputnik قازاقستان تىلشىسى.

ۆيتسە-ءمينيستردىڭ ايتۋىنشا, مۇعالىمدەردىڭ جالاقىسىن ءوسىرۋ ءبىلىم باعدارلامالارىنىڭ جاڭارتىلعان مازمۇنىنا كوشۋگە بايلانىستى جۇزەگە اسادى.

«وسى جىلدىڭ قاڭتارىنان باستاپ 1, 2, 5 جانە 7 سىنىپ مۇعالىمدەرىنىڭ, قىركۇيەكتەن باستاپ 3, 6 جانە 8 سىنىپ مۇعالىمدەرىنىڭ جالاقىسى ارتادى. ال ودان كەيىن بەكىتىلگەن كەستەگە سايكەس 2019 جىلدىڭ قىركۇيەك ايىنان باستاپ 4, 9, 10 سىنىپ, 2020 جىلى 11 سىنىپ ۇستازدارىنىڭ ەڭبەكاقىسى كوتەرىلەدى. ەلباسى جولداۋىندا اتاپ وتكەندەي, قوسىلاتىن جالاقى لاۋازىمدىق ەڭبەكاقىنىڭ 30 پايىزىن قۇرايدى. ماسەلەن, قالالاردا 15 جىل ەڭبەك ءوتىلى بار ءبىرىنشى ساناتتاعى ۇستازداردىڭ جالاقىسى 24 مىڭ تەڭگەگە وسسە, ءدال وسىنداي ەڭبەك ءوتىلى بار اۋىل مۇعالىمىنىكى 25 860 تەڭگەگە ارتادى», — دەدى اسىلوۆا ۇكىمەت ۇيىندە وتكەن ءباسپاسوز ءماسليحاتىندا.

سونداي-اق, ول مۇعالىمدەرگە قوسىمشا اقى تولەۋ جۇيەسى ەنگىزىلەتىنىن اتاپ ءوتتى.

«قوسىمشا اقى تولەۋ جۇيەسىندە ۇستازداردىڭ بىلىكتىلىك دەڭگەيى ەسكەرىلەدى.  كاتەگورييا ۇلتتىق بىلىكتىلىك تەستى ارقىلى بەرىلەدى. راستالعان بىلىكتىلىك دەڭگەيىنە بايلانىستى جالاقى 20 پايىزدان 50 پايىزعا دەيىن وسەدى. مىسالى, ەگەر 15 جىل ەڭبەك ءوتىلى بار ءبىرىنشى ساناتتاعى قالا مۇعالىمى تەست ارقىلى ءبىر ساتى جوعارى دەڭگەيگە وتسە, وندا قوسىمشا اقى 28 مىڭ تەڭگە, ال اۋىل مۇعالىمى ءۇشىن 36 مىڭ تەڭگەنى قۇرايدى»,- دەپ تۇيىندەدى اسىلوۆا.

 

ءبولىسۋ: 

پىكىر 2

مىندەتتى*

  1. تورەبەك : ۇستازدىڭ ەڭبەگى باعالانۋ كەرەك. بۇل دا مارتەبەسىن ارتتىرۋ باعىتىنداعى قادامدار
  2. ايمان: قوسىمشا اقى تولەۋ جۇيەسىندە ۇستازداردىڭ بىلىكتىلىك دەڭگەيى ەسكەرىلەدى. كاتەگورييا ۇلتتىق بىلىكتىلىك تەستى ارقىلى بەرىلەدى. راستالعان بىلىكتىلىك دەڭگەيىنە بايلانىستى جالاقى 20 پايىزدان 50 پايىزعا دەيىن وسەدى. بۇل وتە جاقسى عوي!