Qwat Xamïtov: Özge elde bolsam,Töreğalï menen tayaq jewşi edi-Nukte.kz
Nukte.kz > Qoğam > Maqala mazmunı

Qwat Xamïtov: Özge elde bolsam,Töreğalï menen tayaq jewşi edi

Aralas jekpe-jek şeberi, tanımal qazaqstandıq sportşı Qwat Xamïtov Hit TV arnasına bergen suxbatında atışwlı änşi Töreğalï Töreäliniñ saxnadağı ädepsiz qılığın jaqtırmay, sınap tastadı, dep xabarlaydı NUR.KZ.

Sportşı bul jağday Qazaqstanda emes, şetelde orın alsa, Töreğalïdiñ «äkesin tanıtatının» aytadı.

«Qazaq – birewdi tüzeytin, tärtipke bağınbaytın xalıq emes, keşirimdi, momın xalıq. Sondıqtan, munday sätte adam özi oylanwı qajet. Özi de qarapayım xalıqtan şıqqannan keyin sol xalıqpen birge bolw kerek, osınday jağday arqılı özin tüzew kerek.

Eger şetelde, basqa xalıqtıñ arasında jürsem, bilektiñ küşimen şeşwge bolatın edi. Biraq Qazaqstanda turğannan keyin, öz qazağıma küş körsete almaymın», – dedi Xamïtov suxbatında.

Eske salayıq, «Ulı dala balası» bıltır jeltoqsan ayında Pavlodardağı koncerti kezinde el aldında özin renjitken qarïyağa döreki söylep, kezekti ret «minezin» körsetken bolatın.

Budan soñ birqatar otandıq radïolar onıñ änderin éfïrden alıp tastadı.

Al Pavlodar oblısınıñ äkimdigi budan keyin Töreğalï Töreälini koncertterge şaqırmaytının resmï mälimdegen edi.

Budan keyin «äygili» änşiniñ töñiregindegi daw basılmadı. Onıñ äkesi Töreäli şwlı oqïğalardan keyin män-jaydı anıqtawğa kelgen 31 arna tilşilerin balağattap, qwıp jibergen.

Ol azday, Töreäli mırzanıñ jwrnalïst Zarïna Müsilimdi «atıp öltiremin» dep qorqıtqanı belgili boldı.

Bölisw: 

Pikir 0

Mindetti*