Nukte.kz > قوعام > ماقالا مازمۇنى

قۋات حاميتوۆ: وزگە ەلدە بولسام,تورەعالي مەنەن تاياق جەۋشى ەدى

ارالاس جەكپە-جەك شەبەرى, تانىمال قازاقستاندىق سپورتشى قۋات حاميتوۆ Hit TV ارناسىنا بەرگەن سۇحباتىندا اتىشۋلى ءانشى تورەعالي تورەالىنىڭ ساحناداعى ادەپسىز قىلىعىن جاقتىرماي, سىناپ تاستادى, دەپ حابارلايدى NUR.KZ.

سپورتشى بۇل جاعداي قازاقستاندا ەمەس, شەتەلدە ورىن السا, تورەعاليدىڭ «اكەسىن تانىتاتىنىن» ايتادى.

«قازاق – بىرەۋدى تۇزەيتىن, تارتىپكە باعىنبايتىن حالىق ەمەس, كەشىرىمدى, مومىن حالىق. سوندىقتان, مۇنداي ساتتە ادام ءوزى ويلانۋى قاجەت. ءوزى دە قاراپايىم حالىقتان شىققاننان كەيىن سول حالىقپەن بىرگە بولۋ كەرەك, وسىنداي جاعداي ارقىلى ءوزىن تۇزەۋ كەرەك.

ەگەر شەتەلدە, باسقا حالىقتىڭ اراسىندا جۇرسەم, بىلەكتىڭ كۇشىمەن شەشۋگە بولاتىن ەدى. بىراق قازاقستاندا تۇرعاننان كەيىن, ءوز قازاعىما كۇش كورسەتە المايمىن», – دەدى حاميتوۆ سۇحباتىندا.

ەسكە سالايىق, «ۇلى دالا بالاسى» بىلتىر جەلتوقسان ايىندا پاۆلودارداعى كونتسەرتى كەزىندە ەل الدىندا وزىن رەنجىتكەن قاريياعا دورەكى سويلەپ, كەزەكتى رەت «مىنەزىن» كورسەتكەن بولاتىن.

بۇدان سوڭ بىرقاتار وتاندىق راديولار ونىڭ اندەرىن ەفيردەن الىپ تاستادى.

ال پاۆلودار وبلىسىنىڭ اكىمدىگى بۇدان كەيىن تورەعالي تورەالىنى كونتسەرتتەرگە شاقىرمايتىنىن رەسمي مالىمدەگەن ەدى.

بۇدان كەيىن «ايگىلى» ءانشىنىڭ توڭىرەگىندەگى داۋ باسىلمادى. ونىڭ اكەسى تورەالى شۋلى وقيعالاردان كەيىن ءمان-جايدى انىقتاۋعا كەلگەن 31 ارنا تىلشىلەرىن بالاعاتتاپ, قۋىپ جىبەرگەن.

ول ازداي, تورەالى مىرزانىڭ جۋرناليست زارينا ءمۇسىلىمدى «اتىپ ولتىرەمىن» دەپ قورقىتقانى بەلگىلى بولدى.

ءبولىسۋ: 

پىكىر 0

مىندەتتى*