Nukte.kz > قوعام > ماقالا مازمۇنى

ەلۋ جاستا جاقسى ءومىر ءسۇرۋ ءۇشىن وتىز جاستا جاساپ ۇلگەرۋگە ءتيىستى 20 نارسە

ەلۋدى ەڭسەرگەن كوپ ادام سوڭعى جيىرما جىل بويى ءبىراز نارسەنى ىستەمەگەنىنە وكىنەدى ەكەن. مۇمكىن, ءسىز وتىزدا بولساڭىز, تىزىمدەگىلەردىڭ ءبىرازىن جاساپ كورەرسىز.

1. شىلىم شەكپەڭىز. ەندى باستاساڭىز, دەرەۋ تاستاڭىز
«ەگەر مەنىڭ سوزدەرىمدى وقىپ وتىرساڭىز, سىزدەردەن جالىنىپ سۇرايمىن, تەمەكى تارتپاڭىزدار, – دەيدى سيندي پەرلمان فينك. – شىلىم شەگۋ: وتە قىمبات, نە ىستەسەڭ دە كەتپەيتىن جامان ءيىس قولقاڭدى قاۋىپ تۇرادى, تەمەكى ءتۇپتىڭ تۇبىندە ادامنىڭ اعزاسىنا اۋرۋ اكەلەدى. تەمەكى تارتاتىن ادامنىڭ وبىرمەن اۋىرۋعا مۇمكىندىگى مول. دەنىڭىز ساۋ بولسىن دەسەڭىز, تەمەكى تارتپاڭىز».

2. نە بولسا, سونى جەمەڭىز
«ادام مول تابىس تابا الادى. ونى 20 جاستا دا, 30 جاستا دا, 40 دا, 50 دە, ءتىپتى 70 دە تاباسىز. بىراق سول اقشاعا دەنساۋلىق ساتىپ الا المايسىز. وتىزعا كەلگەن ادام فاستفۋدتان باس تارتۋى كەرەك» دەيدى سيريش چيلاكاماري.

3. اتا-اناڭىزبەن, باۋىرلارمەن قارىم-قاتىناستى رەتتەڭىز
«ەت جاقىندارىڭىزبەن تاتۋ بولىڭىز. جاقىن ەمەستىگىڭىزدى ولاردىڭ كوزىنشە كەيبىر نارسەلەردى اشىق ايتا المايتىندىعىڭىزدان سەزەسىز. بىراق وتباسىدان ارتىق ءسىزدى ەشكىم تاني الماس. ولار ءسىزدىڭ شىن مانىندە كىم ەكەنىڭىزدى, قانداي ەكەنىڭىزدى بىلەدى. وتىز جاستا بۇل سوزبەن كەلىسپەۋىڭىز مۇمكىن. بىراق قىرىقتان اسقان سوڭ تۇسىنە باستايسىز.
ءوز باسىم كۇردەلى وتباسىنىڭ بالاسىمىن. ايتايىن دەگەنىم, ءبىز ءبىر-ءبىرىمىزدى قاتتى جەك كوردىك. باسقا وتباسىلاردا باسقاشا ەكەنىن تۇسىنەم. ەگەر مەن ءوزىم ىقتيياتتى بولعانىمدا مەنى ءتۇسىنىپ, قولدايتىن جاندار كوپتەۋ بولاتىنىن كەش ءتۇسىنىپ جاتىرمىن». روبەرت ۋوكەر.

4. كۇننىڭ استىنا ارناۋلى جاقپاماي جاقپاي شىقپاڭىز
«ەشكىمدى تىڭدامايتىنمىن. كۇننىڭ استىندا كوپ جۇرەتىن ادامنىڭ تەرىسى تەز قارتايادى. تەڭىزگە بارعان سايىن كۇنگە قارسى جاقپالاردى جاعىپ ءجۇرىڭىز. ايتپەسە, ءسال ۋاقىتتان سوڭ قالاي تەز قارتايعانىڭىزدى كورەتىن بولاسىز». سيندي پەرلمان فينك.

5. سپورتپەن شۇعىلدانۋ
«ەگەر وتىز جاستا سپورتپەن شۇعىلدانۋدى باستاساڭىز ەلۋ جاستا دا قيمىلىڭىز شيراق, كوڭىل كۇيىڭىز تاماشا بولادى. سالماقتى باقىلاپ وتىرۋ كەرەك. جاتتىعۋ جاساۋدى ادەت قىلىڭىز. ارىق ادامداردىڭ دەنساۋلىعى مىقتىراق بولادى». سيندي پەرلمان فينك.

6. اقشا جيناۋدى ۇيرەنۋ
«اقشا جيناپ ۇيرەن دەگەن اقىل تىم قارابايىر ەكەنى انىق. ءوزىم وتىزدا بولعاندا اقشا تۋرالى ويلامايتىنمىن. وزىمە تابىسىم جەتىپ تۇردى. بىراق ۋاقىت وتە كەلە باسپانا, بالانىڭ وقۋى, زەينەتكە دە اقشا جيناۋ كەرەكتىگىن تۇسىنەسىڭ. جاس كەزدەن ۇنەمدەپ ۇيرەنۋ – پايدالى ءبىر ادەت بولار ەدى». كليف دجيللي.

7. قولدا بارعا قاناعات ەتۋ
«جەتىستىككە جەتۋدەن گورى وسى ساتتە, ءدال قازىر ءومىر ءسۇرىپ ۇيرەنۋ ماڭىزدى ەكەن. قازىر قولدا بارعا قاناعات ەتسەڭىز ميلليونەر بولماي قالاسىز. بىراق ميلليونسىز-اق باقىتتى ءومىر سۇرەسىز. مۇمكىن, جول-جونەكەي بايىپ كەتەرسىز. بىراق كوڭىلىڭىز قالاعان ءومىردى سۇرەسىز». روبەرت ۋولكەر.

8. ۇلى ماقساتتاردى كەيىنگە قالدىرما
«ءۇي العىڭىز كەلە مە؟ بالا سۇيگىڭىز كەلدى مە؟ كىتاپ جازۋدى ارمان ەتەسىز بە؟ ەكىنشى ءبىلىم الۋدى ويلادىڭىز با؟ جۇمىستى اۋىستىرۋدى؟ كاسىپ قىلۋدى ۇيرەنگىڭىز كەلە مە؟ جاڭا اسپاپتا ويناۋدى؟ ەلدە جوق تاعام دايىنداۋدى؟ سۋ استىندا جۇزگىڭىز كەلە مە؟ ساياساتپەن اينالىسقىڭىز كەلە مە؟ وندا, سونىڭ ءبارىن بۇگىن باستاڭىز» – دەيدى بيلل كارۆين. ەرتەڭگە ەشتەڭە قالدىرۋعا بولمايدى. وتىزدان اسقان سوڭ ۋاقىت زۋىلدايدى. ادام ەسەيگەن سايىن ۋاقىتى دا جىلدام وتەدى. ارمانىڭا قول جەتكىزۋدى بۇگىننەن باستا, ايتپەسە, كەش قالاسىڭ.

9. جايلى ۇيىقتاپ ۇيرەن
«ۇيىقتايتىن بولمەنى قاراڭعىلاۋ كەرەك, تەلەديدار كورۋگە بولمايدى. ءبىر ۋاقىتتا ۇيىقتاپ, ءبىر ۋاقىتتا تۇرىپ داعدىلانۋدىڭ پايداسى زور». نان ۆالدمان.

10. تىسكە كۇتىم كەرەك
«بۇگىننەن قالماي ءتىس دارىگەرىنە بارىڭىز. ءتىس تازالايتىن ءجىپتى ساتىپ الىڭىز. ءتىسىڭ بار دا تاس شاينا, ءتىسىڭ كەتكەن سوڭ اس قايدا؟ تىستەن ايىرىلعان ادام قاتتى قينالادى. ءتىستى بۇلىنۋدەن ساقتاۋ قيىن, تەك ساۋلىعىن از عانا ۇزارتۋعا بولادى. يمپلانتانتتار وتە ىڭعايسىز. ءارى قىمبات. ءتىستى كۇنىنە ەكى رەت فتورسىز پاستامەن شايۋ كەرەك. بۇل وتە ماڭىزدى». كەرولاين زەلونكا.

11. دۇنيە جيما, ەستەلىك جي
ءسىز – ءسىزدىڭ تاجىريبەڭىزدىڭ ناتيجەسىسىز. ەلۋگە كەلگەندە بەكەر دۇنيە جييۋعا كوپ ۋاقىت كەتىرگەنىڭىزگە وكىنەسىز. ەستەلىك دۇنيە-بۇيىمعا قاراعاندا قۇنسىزدانبايدى. ونى ەشكىم تارتىپ الا المايدى.

12. الەمگە ءبىر قۇندى دۇنيە بەرىڭىز
«قىزمەت ەتۋ» دەيتىن انىقتاماعا ساي كەلەتىن ءبىر ارەكەت جاساڭىز. جان جۇرەگىڭىزبەن ىنتالانىپ ىستەيتىن ءبىر ءىستى تابۋ. ەسەسىنە ەشتەڭە كۇتپەۋ.

13. ءار نارسەگە قىزىعا ءبىل. كۇن سايىن قورقاتىن ءبىر نارسەنى ىستە
«كۇن سايىن ءبىر قىزىق جاعداي جاساڭىز. كەز كەلگەن تاۋەكەلگە بەل بۋىپ, سونى جاساپ كورىڭىز. ساياحاتتاڭىز. ساقتىق جاساي بەرمەي, ەركىن ءومىر ءسۇرىڭىز. شاماڭىز جەتسە, پاراشيۋتپەن سەكىرىپ كورىڭىز. تاياق ۇستاعان كەزدە سول كۇندى ەسكە الىپ, ءبىر كۇلىپ الارسىز». مەري ليك.

14. جىلىنا ون كىتاپ وقىڭىز
«جاس كۇنىمدە تەلەديداردى كوپ كورۋشى ەم. قازىرگى زاماننىڭ جاستارى ويىن وينايدى. بىراق ادامنىڭ ميى ەشقاشان وزگەرمەيتىنىن ۇمىتپاڭىز. ەگەر ادام ۇزىن-سونار ءماتىن وقىماسا, ونىڭ ميى وسپەيدى, دامىمايدى. بۇل اكسيوما». ۆينيتا مۋزۋكۋمار.

15. شاماڭىز كەلگەن سايىن ساياحاتتاڭىز
«ءاربىر ساياحات ادامدى وزگەرتەدى. ءوزىڭنىڭ كىم ەكەنىڭدى تۇسىنۋگە كوپ كومەكتەسەدى. ومىردە نە ماڭىزدى ەكەنىن تۇسىنەسىڭ. كوپ ادام ۇيدەن شىقپاي ءومىرىن وتكىزەدى. سەبەبى, قورقادى. ءومىردى وزگەرتۋگە ىنتالانباساڭىز, ءومىرىڭىز قورقىنىشپەن وتە بەرەدى. قورقىنىش كوپ جەردە – ءومىر ازايا بەرەدى». دجەفف گوينس.

16. مەديتاتسييا جاساپ ۇيرەنىڭىز
«مەديتاتسييانى شىن جاساي العان ادامعا ونىڭ بەرەرى ۇشان-تەڭىز. مەديتاتسيياعا از عانا ۋاقىت كەتەدى. مەديتاتسييانىڭ بەرەتىن وزگەرىسى ۇلان-عايىر. سوڭعى ەلۋ جىلدان بەرگى جاسالعان عىلىمي زەرتتەۋ جۇمىستار مەديتاتسييانىڭ كۇش-قۋاتىن دالەلدەدى». رەنس دە نوبەل.

17. ءوزىڭدى وزگەمەن سالىستىرما
«بەتىڭىزدى ءاجىم باسقان كەزدە ساۋىق كەشكە بارۋدىڭ ەش قىزىعى بولماي قالادى. وزگەلەردى وزىڭە قاراتۋعا تىرىسپايسىڭ. ادام ءوزىن تانۋدى ءدال قازىر باستاۋى كەرەك. ول ءۇشىن 40 نە 50 جاستى كۇتىپ كەرەك ەمەس». ساتيش كۋمار گرەندحي.

18. كۇندەلىك جازىڭىز
«ءسىزدىڭ جۇرەگىڭىزدى ءدىر ەتكىزگەن ساتتەردى قاعاز بەتىنە ءتۇسىرىپ وتىرماساڭىز, ولار ۇمىتىلادى. سول ساتتەردى ون جىلدان كەيىن وقۋدىڭ ءوز عاجابى بار. كومپيۋتەرگە جازىپ, سۋرەتتەرمەن اسەمدەڭىز. اتا-اناڭىزدىڭ ونداي مۇمكىندىگى بولمادى, ءسىزدىڭ زامان ىلگەرى. سوسىن وزىڭىزگە راقمەت ايتاتىن كۇن تۋادى». مارك كروۋلي.

19. باسپانالى بولىڭىز
«نە ءۇي, نە پاتەر ساتىپ الىڭىز. اقشا جۇمساۋدىڭ ەڭ ءتيىمدى ءتاسىلى. ايتپەسە, ەلۋگە كەلىپ ءۇي ماسەلەسىن شەشۋگە تۋرا كەلەدى». ليز ريد.

20. دوستاسىپ ۇيرەنىڭىز
«ءوزىڭىزدىڭ ەڭ ارتىق قالىبىڭىز رەتىندە قابىلدايتىن ادامداردى تاۋىپ الىڭىز. ءوزىنىڭ ونەگەسىمەن ءسىزدى جەكپە-جەككە شاقىراتىن ادامدارمەن دوستاسىڭىز. ولاردىڭ بار جاقسىلىعىن ۇيرەنىڭىز. بىرگە كۇلىڭىز. اقىماق بولۋعا دا قورىقپاڭىز. ءومىردىڭ جارقىن ساتتەرىن بىرگە وتكىزىڭىز. دوستارمەن اپتاسىنا ءبىر رەت كەزدەسىپ تۇرىڭىز. ولاردىڭ نەمەن ءومىر سۇرەتىنىن ءبىلىپ ءجۇرىڭىز».

اۋدارعان شىنار ءابىلدا

elana.kz

 

ءبولىسۋ: 

پىكىر 0

مىندەتتى*