Nukte.kz > قوعام > ماقالا مازمۇنى

ارىپتەسىمىز «100 جاڭا ەسىم» قاتارىندا

سەمەيدەگى فيزيكا –ماتەماتيكا باعىتىنداعى نازارباەۆ زيياتكەرلىك مەكتەبىنىڭ ماتەماتيكا ءپانىنىڭ مۇعالىمى انار بايمۇرزاەۆا ۇستازدار اراسىندا «100 جاڭا ەسىم» قاتارىنا ەندى. دالىرەك ايتقاندا, قر پرەزيدەنتى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنداعى «قازاقستانداعى 100 جاڭا ەسىم» جوباسىن جۇزەگە اسىرۋ ماقساتىندا ءبىلىم بەرۋ ۇيىمدارىنىڭ مۇعالىمدەرى مەن وقىتۋشىلارى اراسىندا وتكەن «جىلدىڭ ۇزدىك ۇستازى» اتتى رەسپۋبليكالىق بايقاۋىنا قاتىسىپ, 2 ء–شى دارەجەلى ديپلوممەن ماراپاتتالدى. سونداي –اق ونىڭ ەسىمى ۇزدىك جۇزدىك توپتاستىرىلعان ارنايى جيناققا جازىلدى.

ل.ن.گۋميلەۆ اتىنداعى ەۋرازييا ۇلتتىق ۋنيۆەرسيتەتى, استانا قالاسى ءبىلىم باسقارماسى, «Bilim – orkeniety» ۇلتتىق يننوۆاتسييالىق عىلىمي –زەرتتەۋ ورتالىعى بىرلەسە ۇيىمداستىرعان اۋقىمدى شاراعا رەسپۋبليكامىزدىڭ بارلىق وڭىرلەرىنەن بىلىكتى دە ءبىلىمدى ۇستازدار قاتىسقان. بايقاۋدىڭ ماقساتى – دارىندى پەداگوگتاردىڭ يننوۆاتسييالىق يدەيالارى مەن عىلىمي الەۋەتىن ارتتىرىپ, ولاردىڭ قوعامداعى مارتەبەسىن كوتەرۋ.

– بۇل بايقاۋدا ءار مۇعالىمنىڭ ءومىر جولى, ءبىلىم سالاسىنا سىڭىرگەن ولشەۋسىز ەڭبەكتەرى, جەتكەن جەتىستىكتەرىنەن بولەك ساباق بەرۋدەگى مەتوديكالىق شەبەرلىكتەرى باستى نازارعا الىندى. ءبىلىمنىڭ جاڭا ءبىر شىڭىنا شىعىپ, ءوز بىلىكتىلىگىمدى وسىنداي اۋقىمى كەڭ بايقاۋ, سايىستاردا سىناۋ مەن ءۇشىن ءوزدى –وزىمە سىن كوزبەن قاراۋمەن تەڭ. وسى ارقىلى مەن ءوز ءبىلىمىمدى تەكسەرەمىن. حاكىم اباي:«ادامنىڭ ادامشىلىعى جاقسى ۇستازدان بولادى», -دەپ بەكەردەن –بەكەر ايتپاسا كەرەك. كەلەشەك ۇرپاقتىڭ جاڭا زامانعا ساي, باسەكەگە قابىلەتتى بولۋى بىزدەرگە تىكەلەي بايلانىستى دەسەك, ۇستازدار قاۋىمى ۇنەمى ىزدەنىس ۇستىندە بولعانى ابزال. سونىمەن بىرگە بار جيعان –تەرگەنىڭدى شاكىرتىڭە بەرۋمەن قاتار, ءتۇرلى باقاۋلاردا باق سىناعان ارتىق ەتپەيدى دەپ تۇسىنەمىن, -دەيدى جاس ۇستاز انار باتىرعازىقىزى.

بالا كۇنىنەن عىلىمنىڭ اتاسى سانالعان ماتەماتيكاعا دەگەن اۋەستىگى باسىم انار بايمۇرزاەۆا ءبىزدىڭ مەكتەبىمىزدە 2014 جىلدان بەرى ەڭبەك ەتىپ كەلەدى. جاڭالىققا جانى قۇمار, بىلىمگە ۇمتىلعىش جاس ۇستاز سوڭعى 4 جىلدىڭ ىشىندە 1 مارتە رەسپۋبليكالىق, 1 مارتە حالىقارالىق دارەجەدە وتكەن شىعارماشىلىق فەستيۆال مەن كونفەرەنتسييادا 1 ء–شى ورىندى جەڭىپ العان. ەندى مىنە, ۇلت كوشباسشىسىنىڭ ءوزى باستاپ بەرگەن «100 جاڭا ەسىم» جوباسىنا ەنىپ, ۇزدىكتەر قاتارىنان ويىپ تۇرىپ ورىن الىپ وتىر. قوعامدىق شارالارعا بەلسەنە قاتىساتىن ارىپتەسىمىزدىڭ بويىندا بىرنەشە ونەرى بار. سونىڭ ىشىندە ءان سالىپ, دومبىرا, بايان, اككوردەون اسپاپتارىندا ەركىن وينايتىندىعىن بولە-جارا اتاۋىمىزعا بولادى.

– ماتەماتيكاعا دەگەن ماحابباتىمنىڭ ارقاسىندا وسى سالا مامانى بولۋى ءۇشىن مەكتەپتەن بولەك 10 جىل ۋاقىتىمدى ارنادىم. الدىمەن كوللەدج, سوسىن ينستيتۋت, ارتىنان ماگيستراتۋرانى ۇزدىك ءبىتىرىپ, ۇستازدىق جولدى تاڭداعانىما ەش وكىنبەيمىن. مۋزىكالىق ءبىلىمىم دە از ەمەس. دەگەنمەن كۇردەلى ەسەپتەردى شىعارۋ, ونىڭ شەشىمىن تابۋ مەن ءۇشىن وتە قىزىقتى ەدى. ءار ادام ءوزىنىڭ الدىنا قويعان ماقساتىنا جەتۋ ءۇشىن تالماي ەڭبەكتەنۋى كەرەك. سوندا عانا ويداعى ارمان جۇزەگە اسادى دەپ بىلەمىن. ەندىگى ويىم – باسەكەگە قابىلەتتى, ۇشقىر ويلى, بۇگشىنگى زامان تالابىنا تولىق جاۋاپ بەرە الاتىن ءبىلىمدى شاكىرت تاربيەلەۋ, -دەيدى ءوز ماماندىعىنا ادال ارىپتەسىمىز.

كوزدەگەنىنە جەتپەي تىنبايتىن انار باتىرعازىقىزىنىڭ كەزەكتى جەڭىسى مەكتەبىمىزدىڭ ابىرويىن تاعى ءبىر مارتە اسقاقتاتا ءتۇستى. الداعى ۋاقىتتا جەڭىستى جولدار جالعاسا بەرسىن دەمەكپىز.

ەرمەك يساباەۆ,

سەمەي قالاسىنداعى فيزيكا –ماتەماتيكا باعىتىنداعى نازارباەۆ زيياتكەرلىك مەكتەبىنىڭ ءباسپاسوز حاتشىسى

ءبولىسۋ: 

پىكىر 0

مىندەتتى*