Nukte.kz > قوعام > ماقالا مازمۇنى

مەشىتتە ۇرلىق جاساعان ادام ۇستالدى

ۇرى

ۇرى مەشىتكە كەلۋشىلەردىڭ بىرىنە تيەسىلى كۇرتەنى كيىپ, قالتاسىنداعى قۇجاتتار مەن اقشالارىن جىمقىرىپ, وقيعا ورنىنان جاسىرىنعان. ەلوردا پوليتسيياسى جەدەل-ىزدەستىرۋ ءىس-شارالارىن جۇرگىزۋ بارىسىندا 47 جاستاعى قالا تۇرعىنىن ۇستادى, دەپ حابارلايدى ەلوردا ينفو اكىمدىكتىڭ رەسمي سايتىنا سىلتەمە جاساپ.

4 قاڭتار كۇنى ساعات 15:00 شاماسىندا  قالا تۇرعىنى پوليتسيياعا حابارلاسىپ, بەلگىسىز بىرەۋ س. راحيموۆ كوشەسىندە ورنالاسقان مەشىتتەگى كيىم ىلەتىن ورىننان كۇرتەسىن جىمقىرىپ كەتكەنى تۋرالى ارىزبەن جۇگىنگەن, ونىڭ قالتاسىندا قۇجاتتارى مەن اقشاسى بار ءامييان, ۇيالى تەلەفون, اۆتوكولىكتىڭ كىلتى بولعان. شىعىن كولەمى 200 000 تەڭگەگە جۋىق.

ۇرى مەشىتكە كەلۋشىلەردىڭ بىرىنە تيەسىلى كۇرتەنى كيىپ, وقيعا ورنىنان جاسىرىنعان.

ەلوردا پوليتسيياسى جەدەل-ىزدەستىرۋ ءىس-شارالارىن جۇرگىزۋ بارىسىندا 47 جاستاعى قالا تۇرعىنىن ۇستادى. تەرگەۋ جۇرگىزۋ بارىسىندا ونىڭ وسىعان ۇقساس بىرقاتار ۇرلىق جاساعانى انىقتالدى.

اتالعان فاكتى بويىنشا قر قك 188-بابى (ۇرلىق) سوتقا دەيىنگى تەرگەپ-تەكسەرۋدىڭ بىرىڭعاي تىزىمىنە تىركەلدى. كۇدىكتى استانا قالاسى ءىىد ۋاقىتشا قاماۋ يزولياتورىنا قاماۋعا الىندى.

استانا قالاسىنىڭ ىشكى ىستەر دەپارتامەنتى ازاماتتاردى ءوز مۇلكىنە اباي بولۋعا جانە ۇقىپتى قاراپ, قوعامدىق ورىنداردا قاراۋسىز قالدىرماۋعا شاقىرادى.

ءبولىسۋ: 

پىكىر 0

مىندەتتى*