Nukte.kz > قوعام > ماقالا مازمۇنى

ەلىمىزدە اۆتوكولىكتەردى مەملەكەتتىك تىركەۋ ەرەجەلەرى تۇبەگەيلى وزگەردى

اۆتوكولىك

2018 جىلدىڭ 1-ءشى قاڭتارىنان باستاپ ەلىمىزدە اۆتوكولىكتەردى مەملەكەتتىك تىركەۋ ەرەجەلەرى تۇبەگەيلى وزگەردى, دەپ حابارلايدى ەلوردا ينفو مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتىنە سىلتەمە جاساپ.

 مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى كولىك قۇرالدارىن تىركەۋ جانە قايتا تىركەۋ, ەسەپكە الۋ بويىنشا مەملەكەتتىك كورسەتىلەتىن قىزمەتتەردى تالدادى.

ازاماتتار اۆتوكولىكتى ەسەپتەن شىعارۋ كەزىندە جاڭا ەسەپكە الاتىن اۆتوكولىككە ءوزىنىڭ بۇرىنعى مەملەكەتتىك نومىرلەرىن ورناتۋدا 2,8 اەك كولەمىندە مەملەكەتتىك باجدى, سونىڭ ىشىندە ارنايى حقكو جانە ءىىم تىركەۋ-ەمتيحان بولىمشەلەرىندە ساقتاۋدا تۇرعان نومىرلەر ءۇشىن دە تولەيتىنىن تاجىربيە كورسەتىپ وتىر.

اگەنتتىكتىڭ مالىمەتىنشە, ءبىر جىلدا ورتا ەسەپپەن مەملەكەتتىك تىركەۋ ءنومىرى بەلگىلەرىن ساقتاۋعا 11 مىڭعا جۋىق ازامات ءوتىنىش بەرەدى جانە ونى قايتا تىركەۋ ءۇشىن 63 ملن. تەنگەدەن استام سومماعا مەملەكەتتىك باج تولەگەن.

«اگەنتتىك ۇسىنىمدارىنىڭ نەگىزىندە 30 جۇمىس كۇنىنە دەيىن مەملەكەتتىك نومىرلەردى قايتاتىركەۋ كەزىندە مەملەكەتتىك باجداردى (اەك كولەمىنىڭ جىل سايىنعى ءوسۋىن ەسكەرگەندە 2018 جىلدان باستاپ 6 734 تەنگە كولەمىندە) تولەۋ قاجەتتىلىگىن الىپ تاستاۋ ماقساتىندا سالىق كودەكسىنە وزگەرتۋلەر مەن تولىقتىرۋلار ەنگىزىلدى. جاڭالىق وسى جىلدان باستاپ جۇزەگە اسا باستادى»,  – دەلىنگەن حابارلامادا.

تاعى ءبىر بەلگىلىسى, مەملەكەتتىك ءنومىردىڭ 1 داناسى جوعالعاندا نەمەسە جارامسىز بولعان كەزدە ازاماتتارعا ونىڭ  بارلىق نۇسقالارىنىڭ جيىنتىعى (2 داناسى) ءۇشىن مىندەتتى تۇردە مەملەكەتتىك باجدى تولەدى نەمەسە اۆتوماشينانى قايتا تىركەيتىن ەدى.

مىسالى, ءبىر جىلدا ورتا ەسەپپەن مەملەكەتتىك تىركەۋ ءنومىرى بەلگىلەرىنىڭ تەلنۇسقالارىن دايىنداۋعا 1,9 مىڭعا جۋىق ازامات 11 ملن. تەنگەدەن استام سومماعا ءوتىنىش بەرەتىنىن كورسەتتى.

اۆتوكولىك يەلەرى تاراپىنان قوسىمشا شىعىستار بولماۋى ماقساتىندا سونىمەن قاتار جاڭا سالىق كودەكسىنە سايكەس مەملەكەتتىك ءنومىردىڭ 1 داناسى ءۇشىن 6 734 تەڭگە ورنىنا 3 367 تەڭگەگە دايىنداۋعا ءوتىنىش بەرۋ مۇمكىندىگى ۇسىنىلادى.

راسىمدەردى وڭايلاندىرۋ, اكىمشىلىك كەدەرگىلەر مەن سىبايلاس جەمقورلىق قاتەرلەردى جويۋ اگەنتتىك جۇمىسىنىڭ باسىمدىلىعى ەكەنىن اتاپ ءوتۋ كەرەك.

ءبولىسۋ: 

پىكىر 0

مىندەتتى*