Nukte.kz > قوعام > ماقالا مازمۇنى

جاڭا جىل تۋرالى 7 مالىمەت

گريگوريان كۇنتىزبەسى بويىنشا جىل باسى 1 قاڭتاردان باستالادى. كوپتەگەن ەلدەر قازىر وسى تارتىپپەن جۇرەدى جانە قازاقستان دا رەسمي تۇردە وسىلاي قارسى الادى. وعان جىل سايىن تاۋەلسىزدىك كۇنىنەن بۇرىن قۇرىلاتىن ۇلكەن شىرشالار دالەل بولادى. سونىمەن قاتار استا-توك داستارحان جاسالىپ, اسقازاندى تاماقپەن جانە اراقپەن زورلاۋ ناۋقانى بولادى.

جاڭا جىل

@jktl.ucoz.ru

ەۆرەيشە جاڭا جىل «روش حا-شانا» دەپ اتالادى. قازاقشاعا اۋدارعاندا «جىل باسى» دەگەن ماعىنانى بىلدىرەدى. كۇزدە تيشرەي ايىندا اي تولىسقاندا ەكى كۇن قاتارىنان تويلانادى. بيىل بۇل كۇندەر قىركۇيەك ايىنىڭ 20-نىڭ كەشىنەن 22-ءنىڭ كەشىنە دەيىن اتاپ وتىلگەن.

يسلام كۇنتىزبەسى بويىنشا جاڭا جىل مۇحاررام ايىنىڭ كىرۋىمەن باستالادى. گريگورياندىق جىلدان 11-12 كۇنگە از بولاتىن يسلامدىق جىل. 2017 جىلعى 22 قىركۇيەك كۇنى 1439 جىلدىڭ باستالعان 1 مۇحاررامىنا سايكەس كەلدى.

قىتاي ەلىندە جاڭا جىل 21 قاڭتار مەن 21 اقپان ارالىعىندا قىسقى اي تولىسۋ كەزىندە تويلانادى. كەلەسى قىتايشا جاڭا جىل 2018 جىلدىڭ 16 اقپانىندا باستالىپ, حالىق ونى 7 كۇن دەم الىپ تويلايدى.

يران ەلىندە جانە كوپتەگەن تۇركى تەكتەس حالىقتار جاڭا جىلدى 22 ناۋرىزدا تويلايدى. ءبىزدىڭ ەلدە جاڭا جىل دەپ شارتتى تۇردە عانا اتالىپ, قاتارداعى مەيرام رەتىندە اتالىپ وتىلەدى. جالپىحالىقتىق دەڭگەيدە ءالى مويىندالعان جوق.

يتالييادا بۇل مەيرامدى 6 قاڭتاردا تويلايدى جانە ۇيدەگى ەسكى زاتتاردى ىرىمداپ, سىرتقا لاقتىرىپ تاستايدى ەكەن.

يران, يزرايل, ساۋد ارابيياسى جانە ءۇندىستان سيياقتى ەلدەردە 1 قاڭتار اپتانىڭ دەمالىس كۇندەرىنە تۇسپەسە جۇمىس كۇنى بولىپ سانالادى.

نۇكتە.KZ

ءبولىسۋ: 

پىكىر 2

مىندەتتى*
  1. : مانعىستاۋدا.ءونتورتىنشى.ناۋرىز.جىلدىڭ.باسى.امال
  2. : عالىمجان