Nukte.kz > Qoğam > Maqala mazmunı

2018 jıldıñ 1 qañtarınan bastap zeynetaqı köbeyedi

Bïıl zeynetaqınıñ mölşeri 20% —ğa arttı. Onıñ işinde ıntımaqtı zeynetaqı eki eselendi. Qañtar ayında 9%, şildede 11%-ğa östi. Endi kelesi zeynetaqı kölemi 2018 jıldıñ qañtarınan bastap ulğayadı, dep xabarladı sputniknews.kz QR Eñbek jäne xalıqtı älewmettik qorğaw mïnïstrliginiñ baspasöz qızmetine silteme jasap.

«Jasına jäne uzaq merzimdi qızmet boyınşa zeynetaqı tölemderiniñ mölşeri 8%-ğa artadı. Bul özgerister 2 mïllïonnan astam zeynetkerge, yağnï bügingi küni zeynetaqı alatın ärbir adamğa qatısı bar», — dep jazılğan xabarlamada.

Budan basqa, 2018 jıldıñ 1 şildesinen bastap zeynetaqı jüyesine qatısw uzaqtığına baylanıstı jaña ädiske säykes bazalıq zeynetaqı tağayındaladı.

Mısalı, eger jumıs ötili 10 jıl nemese odan kem bolsa, qızmet merzimi uzartılsa, bazalıq zeynetaqı mölşeri eñ tömengi künköris deñgeyiniñ 54%-na teñ boladı. Jıl sayın on jıldan astam waqıt işinde onıñ mölşeri 2% —ğa artadı. Eñbek ötili 33 jäne odan artıq bolsa — bul künköris deñgeyiniñ 100% quraydı.

2018 jılğı 1 şildeden bastap barlıq zeynetker bazalıq zeynetaqını bir rettik qayta eseptewden ötedi.

Nätïjesinde, 44% —dan astamı eñ tömengi künköris deñgeyiniñ 100% bazalıq zeynetaqısın, däl osınşama adam 74-ten 100% —ğa deyin zeynetaqı alatın boladı.

 

Bölisw: 

Pikir 0

Mindetti*