Nukte.kz > قوعام > ماقالا مازمۇنى

2018 جىلدىڭ 1 قاڭتارىنان باستاپ زەينەتاقى كوبەيەدى

بيىل زەينەتاقىنىڭ مولشەرى 20% —عا ارتتى. ونىڭ ىشىندە ىنتىماقتى زەينەتاقى ەكى ەسەلەندى. قاڭتار ايىندا 9%, شىلدەدە 11%-عا ءوستى. ەندى كەلەسى زەينەتاقى كولەمى 2018 جىلدىڭ قاڭتارىنان باستاپ ۇلعايادى, دەپ حابارلادى sputniknews.kz قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.

«جاسىنا جانە ۇزاق مەرزىمدى قىزمەت بويىنشا زەينەتاقى تولەمدەرىنىڭ مولشەرى 8%-عا ارتادى. بۇل وزگەرىستەر 2 ميلليوننان استام زەينەتكەرگە, ياعني بۇگىنگى كۇنى زەينەتاقى الاتىن ءاربىر ادامعا قاتىسى بار», — دەپ جازىلعان حابارلامادا.

بۇدان باسقا, 2018 جىلدىڭ 1 شىلدەسىنەن باستاپ زەينەتاقى جۇيەسىنە قاتىسۋ ۇزاقتىعىنا بايلانىستى جاڭا ادىسكە سايكەس بازالىق زەينەتاقى تاعايىندالادى.

مىسالى, ەگەر جۇمىس ءوتىلى 10 جىل نەمەسە ودان كەم بولسا, قىزمەت مەرزىمى ۇزارتىلسا, بازالىق زەينەتاقى مولشەرى ەڭ تومەنگى كۇنكورىس دەڭگەيىنىڭ 54%-نا تەڭ بولادى. جىل سايىن ون جىلدان استام ۋاقىت ىشىندە ونىڭ مولشەرى 2% —عا ارتادى. ەڭبەك ءوتىلى 33 جانە ودان ارتىق بولسا — بۇل كۇنكورىس دەڭگەيىنىڭ 100% قۇرايدى.

2018 جىلعى 1 شىلدەدەن باستاپ بارلىق زەينەتكەر بازالىق زەينەتاقىنى ءبىر رەتتىك قايتا ەسەپتەۋدەن وتەدى.

ناتيجەسىندە, 44% —دان استامى ەڭ تومەنگى كۇنكورىس دەڭگەيىنىڭ 100% بازالىق زەينەتاقىسىن, ءدال وسىنشاما ادام 74-تەن 100% —عا دەيىن زەينەتاقى الاتىن بولادى.

 

ءبولىسۋ: 

پىكىر 0

مىندەتتى*