Nukte.kz > قوعام > ماقالا مازمۇنى

كولىك سالىعى تۋرالى بىلە ءجۇرىڭىز!

31 جەلتوقسان 2017 جىلعا كولىك سالىعىن ءوسىمپۇلسىز تولەۋدىڭ سوڭعى كۇنى. مەملەكەت الدىندا قارىز بولىپ قالماس ءۇشىن نە ىستەۋ كەرەك؟

ەڭ ءبىرىنشى قانشا سالىق تولەيتىنىڭىزدى انىقتاپ الىڭىز. ايتا كەتەيىك, سالىقتى ءبىر جىلعا ەمەس, كولىك ساتىپ العاننان بەرگى ناقتى ۋاقىتقا تولەيسىز. مىسالى: 2017 جىلدىڭ تامىزىندا ساتىپ الساڭىز 5 ايعا تولەيسىز. وعان دەيىنگى سالىقتى سىزگە ساتقان ادام تولەۋى كەرەك. ياعني سالىق قارىزى ءسىز ساتىپ العان كەزدە سىزگە بەرىلمەيدى. ەگەر جىل باسىنان بەرى مەنشىگىڭىزدە بولسا, وندا ءبىر جىلعا تولەم جاساۋىڭىز كەرەك.

قانشا سالىق تولەيتىنىڭىزدى ءبىلۋ ءۇشىن مەملەكەتتىك كىرىستەر قىزمەتىنىڭ رەسمي سايتىنان نەمەسە egov.kz -تەگى رەسمي كالكۋلياتور ارقىلى ەسەپتەپ بىلسەڭىز بولادى. نەمەسە سالىق ورگانىنا بارىپ بىلە الاسىز.

بىلە ءجۇرىڭىز!

2017 جىلدىڭ 1 شىلدەسىنەن باستاپ اۆتوكولىك سالىعىن تولەۋ كەزىندە 17 بەلگىدەن تۇراتىن, تەحنيكالىق پاسپورتتا كورسەتىلگەن VIN-كودتى كورسەتۋ كەرەك! جەڭىل كولىكتە شاناق ءنومىرى, جۇك كولىگىندە شاسسي ءنومىرى VIN-كود بولىپ سانالادى.

بارلىق كولىكتىڭ سالىعى بىردەي مە؟

ماركاسى بىردەي كولىكتىڭ بارلىعىنىڭ سالىعى بىردەي ەمەس. 2014 جىلى كولەمى سالىق زاڭىنا وزگەرىس ەنگەن. 2013 جىلدىڭ 31 جەلتوقسانىنان كەيىن 3 000 كۋب سم جوعارى قازاقستاندا وندىرىلگەن (قۇراستىرىلعان, جاسالعان) نەمەسە قر اۋماعىنا اكەلىنگەن جەڭىل اۆتوكولىكتەردىڭ سالىعى جوعارىلاعان. سوندىقتان كولەمى جوعارى جاڭا اۆتوكولىكتەردىڭ سالىعى «ەسكى» كولىكتەرگە قاراعاندا جوعارى.

پيكاپ, ليمۋزين, ەلەكتروكولىكتەردىڭ سالىعى قانداي؟

بۇرىن بۇلار جۇك كولىگى مەن اۆتوبۋستار ساناتىنا قوسىلاتىن.  دۆيگاتەل كولەمى 4 ليتردەن اسسا دا ولاردىڭ سالىعى جەڭىل كولىككە قاراعاندا تومەندەي بولاتىن. سالىق كودەكسىنە ەنگەن وزگەرىسكە سايكەس ولار دا جەڭىل كولىك سانالىپ, سالىعى دۆيگاتەل كولەمىنە قاراي جەڭىل كولىك رەتىندە ەسەپتەلەدى. ال ەلەكتروكولىكتەر سالىقتان بوستالىعان. گيبريدتەر جەڭىل كولىك رەتىندە سالىق تولەيدى.

ەستە ۇستاڭىز!

ەگەر ساقتاندىرۋ پوليسىمەن باسقا ادامنىڭ اتىنداعى كولىكتى ايداپ جۇرسەڭىز, سالىق تولەۋ كەزىندە يەسىنىڭ جسن ءنومىرى مەن كولىك تىركەلگەن اۋداندى ءبىلىپ الۋىڭىز كەرەك. سالىق تولەۋ كەزىندە اقشا باسقا اۋداننىڭ شوتىنا ءتۇسىپ كەتسە, بازادا سالىق تولەنبەگەن بولىپ ەسەپتەلەدى. سالىقتى تولەگەنىڭىزدى دالەدەپ جۇگىرۋ ۋاقىت الاتىنىن جاقسى بىلەسىز. 

سالىقتى كىم تولەمەيدى؟

زاڭ بويىنشا اۆتوكولىك سالىعىن تومەندەگى ادامدار تولەمەيدى:

  1. ۇلى وتان سوعىسىنىڭ ارداگەرلەرى مەن وعان تەڭەستىرىلگەندەر, تىل ارداگەرلەرى, سوعىس كەزىندەگى ەرلىگى ءۇشىن وردەن, مەدالدارمەن ماراپاتتالعاندار.
  2. مۇگەدەكتەر – تەك يەلىگىندەگى ءبىر كولىككە عانا سالىق تولەمەۋگە رۇقسات.
  3. كەڭەس وداعىنىڭ باتىرى, سوتسياليستىك ەڭبەك ەرى, حالىق قاھارمانى, «قازاقستاننىڭ ەڭبەك ەرى», «وتان» وردەنى مەن «داڭق» وردەنىنىڭ ءۇش دارەجەسىنە يە بولعاندار, «باتىر-انا», «التىن القا», «كۇمiس القا» بەلگىسىن العان انالار.

الايدا, جەڭىلدىككە يە ازاماتتار جىلىنا ءبىر رەت تىركەلگەن جەرىندەگى مەملەكەتتىك كىرىستەر باسقارماسىنا جەڭىلدىگىن دالەلدەيتىن قۇجاتتاردىڭ تۇپنۇسقاسى مەن كوشىرمەسىن ۇسىنۋى ءتيىس.

ۇرلانعان نەمەسە سەنىمحات ارقىلى ساتىلعان اۆتوكولىكتەر نە ىستەيدى؟

ءسىز قۇجات جۇزىندە كولىكتىڭ يەسى سانالاسىز. سوندىقتان سالىق تولەۋىڭىز كەرەك. بۇعان تاپ بولماس ءۇشىن ساتۋ كەزىندە كولىكتى ەسەپتەن شىعارىپ تاستاعان دۇرىس. ەگەر ۇرالنعان جاعداي بولسا ۋاقىتشا ەسەپتەن شىعارا تۇرۋعا بولدى.

سالىقتى قايدا تولەسەم بولادى؟

كەز-كەلگەن بانك كاسساسىندا نەمەسە ينتەرنەت-بانكينگ ارقىلى, «قازپوشتا» بولەمشەلەرىندە, مەملەكەتتىك كىرىستەر باسقارماسىنىڭ كاسسالارىندا, egov.kz پورتالىندا تولەۋگە بولادى. بۇل ءۇشىن كولىكتىڭ VIN-كودى مەن يەسىنىڭ جسن ءبىلۋ كەرەك.

سالىقتى تولەمەسەم نە بولادى؟

تولەمەسەڭىز جاڭا جىلدان باستاپ سالىق ورگاندارى مازالاي باستايدى. باسىندا سىپايى تۇردە تولەۋدى وتىنەدى. ەگەر وعان كونبەسەڭىز, سالىق سوماسىنا ءوسىمپۇل قوسىلادى, كەيىن سوت ورىنداۋشىسى پايدا بولادى, كولىگىڭىزدىڭ جۇرۋىنە ءتيىم سالادى, ءوزىڭىزدىڭ شەتەلگە شىعۋىڭىعا تيىم سالادى. سالىق قارىزى بار كولىكتى ساتۋ كەزىندە باسقا ادامنىڭ اتىنا راسىمدەي المايسىز. سوندىقتان كەشىكتىرمەي, 31 جەلتوقسانعا دەيىن سالىعىڭىزدى تولەپ, كەلەر جىلعا قارىزسىز بارۋعا ارەكەت جاساڭىز.

 

ءبولىسۋ: 

پىكىر 0

مىندەتتى*