Nukte.kz > قوعام > ماقالا مازمۇنى

ەلباسى مەملەكەت پاتەردى تەگىن بەرە المايتىنىن ايتتى

پرەزيدەنت

قازاقستان پرەزيدەنتى نۇرسۇلتان نازارباەۆ وتاندىق جۋرناليستەرگە بەرگەن سۇحباتىندا تۇرعىن ءۇي ماسەلەسى جايىندا پىكىر ءبىلدىردى, – دەپ حابارلايدى Tengrinews.kz.

مەملەكەت باسشىسى تۇرعىن ءۇي ماسەلەسىنىڭ بارلىق ەلدە بولعانىن جانە ءالى دە بارىن اتاپ ءوتتى.

ء«بىز تولىقتاي ۋربانيزاتسييالانعان ەل ەمەسپىز. بىزدە حالىقتىڭ 40 پايىزىنا جۋىعى اۋىلدىق جەرلەردە تۇرادى, ال اۋىلدا جۇمىس ىستەيتىندەردىڭ ۇلەسى 20 پايىز عانا. ولار قالالارعا كەلىپ جاتىر. قازىر بىزدە «تۇرعىن ءۇي قۇرىلىس جيناق» بار. ادام بەلگىلى ءبىر سومانى جينايدى – 50 پايىز, قالعانىن بانك كرەديتكە بەرەدى دە, ول پاتەر ساتىپ الادى, كەيىن تولەي باستايدى», – دەدى ەلباسى.

مەملەكەت باسشىسى قازاقستاندىقتارعا ۇسىنىلىپ وتىرعان جالعا بەرىلەتىن باسپانانىڭ قاعيداسىن ءتۇسىندىردى. «كەيىنگى ساتىپ الۋ قۇقى جوق جالعا بەرىلەتىن باسپانالارعا مۇقتاجدار – مۇگەدەكتەر, سوعىس ارداگەرلەرى, بۇل ساناتتا مۇنداي باعدارلامادا كەيىنگى ساتىپ الۋ مۇمكىندىگى جوق. ءۇشىنشىسى – جەكە تۇرعىن ءۇي قۇرىلىسى: 10 سوتىق جەر بەرىلەدى دە, ءوزى ءۇي سالادى», – دەپ مىسال كەلتىردى نازارباەۆ.

پرەزيدەنت قازىرگى تاڭدا جۇمىسى بار كەز كەلگەن ادامنىڭ باسپانا الۋعا مۇمكىندىگى بارىن ايتتى.

ء«بىر ۇيدە ەكى ادام جۇمىس ىستەسە, يپوتەكا تولەي الادى. بىراق جۇمىس ىستەيتىن ادام عانا باسپانالى بولا الادى. ەش جەردە جۇمىس ىستەمەسەڭ, بىرەۋ ساعان پاتەر بەرە سالا ما؟ مۇنداي بولمايدى. قازىرگى نارىق جاعدايىندا مەملەكەت تەگىن بەرە المايدى جانە بەرمەۋى ءتيىس. بىراق مەملەكەت مۇنداي ازاماتتارعا كومەكتەسىپ, پايىزدىق مولشەرلەمەسىن ازايتادى. اكىمدىكتەر جالعا بەرىلەتىن باسپانا قۇرىلىسىنا تومەن مولشەرلەمەمەن بولەدى. بۇل از قامتىلعان جانە كوپبالالى وتباسىلارعا كورسەتىلىپ جاتقان كومەك», – دەيدى پرەزيدەنت.

«حالىق وسىنى ءبىلىپ, ءتورت باعدارلاماعا قاتىسۋى كەرەك: اركىم وزىنە قولايلىسىن تاڭداسىن. قولىمىزعا قارىنداش الىپ سانادىق. مەملەكەتتىڭ باستى مىندەتى – حالىققا جۇمىس بەرۋ. ادام جۇمىس ىستەپ, پايدا تابۋى ءتيىس. ەگەر ول ءبىزدىڭ جاعدايدا, يندۋستريالدىق ەكونوميكا جاعدايىندا جۇمىس ىستەسە, يپوتەكا, كرەديت تولەيتىن قاراجاتى بولىپ, باسپانالى بولاتىن مۇمكىندىگى بار. حالىق سانى ارتىپ جاتىر, بالا تۋۋ كورسەتكىشى ءوسىپ كەلەدى. بۇل ماسەلە ءاردايىم بولا بەرەدى. ءبىز وسى ماسەلەنى شەشۋ ءۇشىن ءجۇرمىز», – دەپ قورىتىندىلادى مەملەكەت باسشىسى.

ءبولىسۋ: 

پىكىر 0

مىندەتتى*