Nukte.kz > Qoğam > Maqala mazmunı

Belgili nwmerolog 2018 jılı qazaqstandıqtardı ne kütip turğanın boljadı

jaña jıl

Naqtı cïfr negizinde boljam jasap tanılıp jürgen belgili nwmerolog Anar Aman Sputnik Qazaqstan tilşisine 2018 jıl Qazaqstan üşin qanday jıl bolatının aytıp berdi.

«Bas ekew bolmay, mal ekew bolmas»

«Nwmerologïya boyınşa esep-qïsap jasasaq, keler jıldıñ sanı bizde – 2. Bul cïfr dïplomatïyanı, birlikti, müddelestik pen nïettestikti bildiredi. Eger osı, artta qalıp bara jatqan 2017 jılı «égo», yağnï daralanw, jeke käsibin aşıp, erekşelengisi keletinderdiñ isi quptalsa, 2018 jılı bäri kerisinşe. Bölektengisi keletin jandardıñ aldınan tosqawıl kezdesedi, ït jılı ıntımaqqa, birlesip äreket etwge, bir-birin qurmettep, oy-pikirlerimen sanaswğa şaqıradı. Mäselen, aldağı jıl er men äyeldiñ mäñgilik jup bolıp, şañıraq köterwine öte qolaylı jıl. Jalpı nwmerologïyada eki sanı énergïyağa jawap beredi. Sol sebepten de köbisi otbasılıq jaylılıqtı, oşaq jılwın qalaydı. Ömirlik serigin kezdestirip, köpten tanıs jandar naqtı şeşimge kelip, otbasın qurwğa asığadı», — deydi Aman.

Sonday-aq, nwmerologtıñ boljamınşa, ït jılı öner adamdarına, ärtisterge dwét qurwğa taptırmas jıl. Deyturğanmen, bul cïfrdıñ teris jaqtarı da barşılıq. Ärbir iste bärin aqılğa salıp, kelisip, beybit jolmen şeşw kerek. Imıralastıq, ıntımaqşıldıq, dïplomatïya bolmasa «aqqw, şortan häm şayannıñ» kebin kïyuiñiz mümkin.

Sonımen qatar, 2018 jılı şığarmaşılıq salada isteytinderdiñ, psïxologtar men astrologtardıñ Ayı oñınan twmaq.

«Bul jıl burınğı jıldan özgerek»

«Tayawdağı bes jılda Qazaqstannıñ özge eldermen seriktestik qarım-qatınası öte joğarı deñgeyde. Aldağı 4-5 jılda elimiz qanday da bir jobalarda, jahandıq maqsattarda älemdik jetekşi memleketterdiñ qoldawına ïe boladı. Äzirge men, nwmerolog retinde, teris rïtm, mäselen kelispewşilik, daw-janjal, toqıraw bayqap turğan joqpın. Qazaqstanda tört-bes jıl qatarınan oñ rïtm. Bul öte sïrek kezdesetin jağday. Yağnï seriktestik te joğarı, sırttan da qoldaw bar, tabıs ta molayadı.  Al valyuta narığında, ya da tağı basqa oqïğalar bul, ärïne, tabïğï närse, onday bolıp turadı. Jalpı 2018 jıl qazaqstandıqtar üşin tabıstı jıl bolmaq. Otandastarımızdıñ äl-awqatı artıp, turmısı jaqsara tüsedi. Bïılğıdan da jaqsı ömir süretin boladı», — dedi nwmerolog.

Onıñ aytwınşa, älemdegi jağımdı-jağımsız oqïğalar Qazaqstandı da aynalıp ötpeydi. Desek te elimiz kez kelgen tosqawılğa tötep beretin älewetke de, reswrsqa da ïe.

«Biz mına tutas älemniñ bir bölşegimiz, sondıqtan jahandıq oqïğalardan tıs qala almaytınımız tüsinikti. Biraq, nwmerolog retinde aytar bolsam, Qazaqstan qwattı älewetke, reswrqa ïe. Qazaqstandı eñ jaylı planeta Yupïter jebeydi. Yupïterdi mol baqıttıñ ğalamşarı, eñ dana planeta dep te ataydı. Sondıqtan bul ğalamşardıñ qamqorlığı men qoldawına ïe eşbir el jaman turwı mümkin emes. Tipti älemde qanday da bir tabïğï apat, tötenşe jağday bola qalsa, Yupïter bizge barlıq reswrs pen mümkindikti beredi», — dedi nwmerolog.

Ït adal oyındı jaqsı köredi

«Ït jılı adal eñbekti, şıdamdılıqtı, alğa qoyğan maqsat-mindetterdiñ orındalwın talap etedi. Pozïtïvti köñil-küydi, oyın-sawıqtı jaqsı köredi. Biraq aramdıqtı, ädiletsizdik pen ötirikti keşirmeydi. Ït adal oyınnıñ jaqtası, jıl soñında ärbirewin eñbegine, adal nïetine qaray marapattaydı. Mümkindik beredi, alayda onıñ surawı da joq emes. Ït, biz oylağanday, qarapayım üy janwarı emes, jawapkerşilikti talap etedi», — degen Aman qazaqstandıqtarğa kele jatqan jaña jılda şınayılıq, özara senim men adal maxabbat tiledi.

 

Bölisw: 

Pikir 0

Mindetti*