Nukte.kz > قوعام > ماقالا مازمۇنى

بەلگىلى نۋمەرولوگ 2018 جىلى قازاقستاندىقتاردى نە كۇتىپ تۇرعانىن بولجادى

جاڭا جىل

ناقتى تسيفر نەگىزىندە بولجام جاساپ تانىلىپ جۇرگەن بەلگىلى نۋمەرولوگ انار امان Sputnik قازاقستان تىلشىسىنە 2018 جىل قازاقستان ءۇشىن قانداي جىل بولاتىنىن ايتىپ بەردى.

«باس ەكەۋ بولماي, مال ەكەۋ بولماس»

«نۋمەرولوگييا بويىنشا ەسەپ-قيساپ جاساساق, كەلەر جىلدىڭ سانى بىزدە – 2. بۇل تسيفر ديپلوماتييانى, بىرلىكتى, مۇددەلەستىك پەن نيەتتەستىكتى بىلدىرەدى. ەگەر وسى, ارتتا قالىپ بارا جاتقان 2017 جىلى «ەگو», ياعني دارالانۋ, جەكە كاسىبىن اشىپ, ەرەكشەلەنگىسى كەلەتىندەردىڭ ءىسى قۇپتالسا, 2018 جىلى ءبارى كەرىسىنشە. بولەكتەنگىسى كەلەتىن جانداردىڭ الدىنان توسقاۋىل كەزدەسەدى, يت جىلى ىنتىماققا, بىرلەسىپ ارەكەت ەتۋگە, ءبىر-ءبىرىن قۇرمەتتەپ, وي-پىكىرلەرىمەن ساناسۋعا شاقىرادى. ماسەلەن, الداعى جىل ەر مەن ايەلدىڭ ماڭگىلىك جۇپ بولىپ, شاڭىراق كوتەرۋىنە وتە قولايلى جىل. جالپى نۋمەرولوگييادا ەكى سانى ەنەرگيياعا جاۋاپ بەرەدى. سول سەبەپتەن دە كوبىسى وتباسىلىق جايلىلىقتى, وشاق جىلۋىن قالايدى. ومىرلىك سەرىگىن كەزدەستىرىپ, كوپتەن تانىس جاندار ناقتى شەشىمگە كەلىپ, وتباسىن قۇرۋعا اسىعادى», — دەيدى امان.

سونداي-اق, نۋمەرولوگتىڭ بولجامىنشا, يت جىلى ونەر ادامدارىنا, ارتىستەرگە دۋەت قۇرۋعا تاپتىرماس جىل. دەيتۇرعانمەن, بۇل تسيفردىڭ تەرىس جاقتارى دا بارشىلىق. ءاربىر ىستە ءبارىن اقىلعا سالىپ, كەلىسىپ, بەيبىت جولمەن شەشۋ كەرەك. ىمىرالاستىق, ىنتىماقشىلدىق, ديپلوماتييا بولماسا «اققۋ, شورتان ءھام شاياننىڭ» كەبىن كييۋىڭىز مۇمكىن.

سونىمەن قاتار, 2018 جىلى شىعارماشىلىق سالادا ىستەيتىندەردىڭ, پسيحولوگتار مەن استرولوگتاردىڭ ايى وڭىنان تۋماق.

«بۇل جىل بۇرىنعى جىلدان وزگەرەك»

«تاياۋداعى بەس جىلدا قازاقستاننىڭ وزگە ەلدەرمەن سەرىكتەستىك قارىم-قاتىناسى وتە جوعارى دەڭگەيدە. الداعى 4-5 جىلدا ەلىمىز قانداي دا بىر جوبالاردا, جاھاندىق ماقساتتاردا الەمدىك جەتەكشى مەملەكەتتەردىڭ قولداۋىنا يە بولادى. ازىرگە مەن, نۋمەرولوگ رەتىندە, تەرىس ريتم, ماسەلەن كەلىسپەۋشىلىك, داۋ-جانجال, توقىراۋ بايقاپ تۇرعان جوقپىن. قازاقستاندا ءتورت-بەس جىل قاتارىنان وڭ ريتم. بۇل وتە سيرەك كەزدەسەتىن جاعداي. ياعني سەرىكتەستىك تە جوعارى, سىرتتان دا قولداۋ بار, تابىس تا مولايادى.  ال ۆاليۋتا نارىعىندا, يا دا تاعى باسقا وقيعالار بۇل, ارينە, تابيعي نارسە, ونداي بولىپ تۇرادى. جالپى 2018 جىل قازاقستاندىقتار ءۇشىن تابىستى جىل بولماق. وتانداستارىمىزدىڭ ءال-اۋقاتى ارتىپ, تۇرمىسى جاقسارا تۇسەدى. بيىلعىدان دا جاقسى ءومىر سۇرەتىن بولادى», — دەدى نۋمەرولوگ.

ونىڭ ايتۋىنشا, الەمدەگى جاعىمدى-جاعىمسىز وقيعالار قازاقستاندى دا اينالىپ وتپەيدى. دەسەك تە ەلىمىز كەز كەلگەن توسقاۋىلعا توتەپ بەرەتىن الەۋەتكە دە, رەسۋرسقا دا يە.

ء«بىز مىنا تۇتاس الەمنىڭ ءبىر بولشەگىمىز, سوندىقتان جاھاندىق وقيعالاردان تىس قالا المايتىنىمىز تۇسىنىكتى. بىراق, نۋمەرولوگ رەتىندە ايتار بولسام, قازاقستان قۋاتتى الەۋەتكە, رەسۋرقا يە. قازاقستاندى ەڭ جايلى پلانەتا يۋپيتەر جەبەيدى. يۋپيتەردى مول باقىتتىڭ عالامشارى, ەڭ دانا پلانەتا دەپ تە اتايدى. سوندىقتان بۇل عالامشاردىڭ قامقورلىعى مەن قولداۋىنا يە ەشبىر ەل جامان تۇرۋى مۇمكىن ەمەس. ءتىپتى الەمدە قانداي دا بىر تابيعي اپات, توتەنشە جاعداي بولا قالسا, يۋپيتەر بىزگە بارلىق رەسۋرس پەن مۇمكىندىكتى بەرەدى», — دەدى نۋمەرولوگ.

يت ادال ويىندى جاقسى كورەدى

«يت جىلى ادال ەڭبەكتى, شىدامدىلىقتى, العا قويعان ماقسات-مىندەتتەردىڭ ورىندالۋىن تالاپ ەتەدى. ءپوزيتيۆتى كوڭىل-كۇيدى, ويىن-ساۋىقتى جاقسى كورەدى. بىراق ارامدىقتى, ادىلەتسىزدىك پەن وتىرىكتى كەشىرمەيدى. يت ادال ويىننىڭ جاقتاسى, جىل سوڭىندا اربىرەۋىن ەڭبەگىنە, ادال نيەتىنە قاراي ماراپاتتايدى. مۇمكىندىك بەرەدى, الايدا ونىڭ سۇراۋى دا جوق ەمەس. يت, ءبىز ويلاعانداي, قاراپايىم ءۇي جانۋارى ەمەس, جاۋاپكەرشىلىكتى تالاپ ەتەدى», — دەگەن امان قازاقستاندىقتارعا كەلە جاتقان جاڭا جىلدا شىنايىلىق, ءوزارا سەنىم مەن ادال ماحاببات تىلەدى.

 

ءبولىسۋ: 

پىكىر 0

مىندەتتى*