Nukte.kz > Slider > Maqala mazmunı

Qonaev küzetsiz jüretin

konaev

Dinmuxamed Qonaev kişipeyil basşı esebinde tanıldı. Ol ertemenen Kommwnïstik dañğıl men Kïrov köşesiniñ (bügingi Abılayxan dañğılı men Bögenbay batır köşesiniñ) qïılısındağı üş qabattı üyden şığıp, ıldïdağı Ükimet üyine qaray jaybaraqat jumısqa bara jatatın. Qonaev sol üyde köp jıldar boyı turdı, tipti, Qazaqstan KP OK-niñ birinşi xatşısı bolğan kezinde de, qalanıñ ortalığında üş bölmeli päteri bola tura älgi üyde turdı. Al basqa üyge köşkende Qonaev päterin öziniñ kadrlıq sayasatın qattı sınap jürgen jazwşı Äljappar Äbişevke sıyğa tartıp ketti.

Men de sol kezde Almatınıñ ortalığında turdım, meniñ de jumısqa baratın jolım Kommwnïstik dañğıldıñ boyı edi. Anda-sanda aldımnan jalğız kele jatqan uzın boylı Qonaevtıñ sımbattı tulğasın sırtınan köretinmin. Osını aytsam, adamdar senbeydi: qalayşa ol küzetsiz jür dep. Rasında da küzet qızmetiniñ sanı köbeytilip, kim köringen janına küzet qaptatıp jatqan waqıtta memlekettiñ birinşi adamı jumısqa jayaw jäne küzetsiz baradı degenge senw öte qïın.

Mïnïstrler keñesiniñ törağası bolğanda Qonaev akademïk atağı üşin özine tölenetin 340 som şamasındağı aqıdan bas tartqanın bilemiz. Bul aqşanı ol balalar men jas ğalımdarğa kömektesw maqsatında jumsawğa buyırdı. Osınday kişipeyildilik onıñ twa bitti qasïeti ekeni közge körinip turdı jäne jurttıñ oğan degen senimin küşeytti. Onıñ jeke basınıñ baylıq-däwletke qızığwşılığı bayqalmadı. Onıñ aynalasındağı adamdardıñ arasında onı ulıqtawdan jarıs bolğan joq, esesine olar onıñ köşbasşılıq bedelin qızğıştay qorïtın, onıñ jetistikterine qılaw tüsirmewge tırısatın.

Madat Aqqozïn jwrnalïst

kazakh-tv.kz

 

Bölisw: 

Pikir 0

Mindetti*