Nukte.kz > Qoğam > Maqala mazmunı

Alañda «Meniñ Qazaqstanım» änin şırqadıq

…Alañda «Meniñ Qazaqstanım» änin şırqadıq. Özim de än aytatın bolğandıqtan bar dawısımmen berile şırqaymın. Qayta bastaymız. Birewlerdi alañğa keldi, söylep jatır dedi. Birewler kelwi kerek dep jattı. Bir kezde düleyi küşti tolqw bastaldı. Qaşıp jattı adamdar. Özimdi ïgere almadım. Eñ soñında qalıp kettim. Alañ sïrep qaldı adamdardan. Basıma dwbïnkamnen urğanda közimniñ aldı qıp qızıl qan jwıp ketti de, esimnen tanıp qaldım.

Esimdi jïıp, basımdı kötere bergenim sol edi, anaday jerde bir jigittiñ basın toqpaqtaaaap jattı jün sabağanday. Tiri bolsa jındı bolar, bolmasa bir Alla biledi sol bir jigittiñ jayın. Qayta soqqınıñ astına aldı.

Bağım, körer jarığım bar eken Eki qazaq ofïceri jas jigitter eki qoltığımnan demep turğızıp aldı da, «qarındas, proxodyaşçïy adam sïyaqtı ötiñiz. Endi kelmeñiz bul jaqqa» dep aytıp jattı. Men bılıq, sılq qolımdı kötere almaymın. Qolıma bir swmkanı iledi ustawğa älim joq. Eki äskerï osılay meni qutqarıp alañnan şetke aparıp saldı. Qızıl belgi taqqandar «takaya moladaya» dep birnärse aytıp jattı. Sodan süyrelep otırıp qazirgi äkimşilik ğïmaratınıñ aldında tizilip turğan avtobwstardıñ birine apardı. Sonda, birinşi ret estidim. Bir äyel qazaqtıñ jeri olarğa tryapka ma, degen äñgimelerdi aytıp jattı. Al, qazaq mïlïcïya ayttı. Senderdi basqarmağa aparmaymın. Basqa jerge aparıp tastaymın. Biraq, mına jerge qaytıp kelmeñder» dep jattı…

Mine, osınday ultın süyetin, şın janı aşïtın azamattardıñ arqasında tayaq jep soqqı alsam da üyime aman keldim. Basımnan ötkender meniñ jan dünïemdi awdarıp tüsip, jaraladı. Ol kez esime tüskende közime jas keletini ras. Bärine söytetini de tüysinemin.

Äli, künge «Meniñ Qazaqstanım» şırqalğanda men özimdi ustay almaymın közime jas üyirile beredi.

(ZÜBÄYRA AKÏMOVA-nıñ jazbasınan)

Bölisw: 

Pikir 0

Mindetti*