Nukte.kz > Qoğam > Maqala mazmunı

Medïcïna qızmetkeri keypinde zeynetkerlerdiñ qarjısı men altındarın jımqırıp jürgen alayaq-urı ustaldı

Jedel – izdestirw is-şaraların jürgizw barısında «Almatı» awdanınıñ IIB Krïmïnaldıq polïcïya böliminiñ qızmetkerleri qart adamdardıñ qarjısı men altındarın alayaqtıq jasap jımqırıp kelgen Şığıs Qazaqstan oblısınıñ 36 jasar turğını ustaldı dep xabarlaydı Elorda ïnfo Astana qalası IID-ne silteme jasap.

Quzırlı organnıñ mälimetinşe, sotqa deyingi tergep-tekserw barısında anıqtalğanı, küdikti qart adamdarğa özin medïcïna qızmetkerimin dep tanıstırğan. Sol boyınşa medïcïnalıq däri-därmek satıp alamın dep olardı aldaw arqılı aqşa qarajatın ïelengen jäne qart adamdardıñ nazarın awdarıp, altın buyımdarın urlağanı anıqtalğan. «Qazirgi waqıtta Almatı awdanı IIB tergew bölimi QR QK 188 jäne 190-baptarı boyınşa sotqa deyingi tergep-tekserw jürgizwde.

Tergew äreketterin jürgizw barısında jäbirlenwşiler olar tanıdı. Qazirgi waqıtta 4 jäbirlenwşi polïcïya qızmetine jügindi» delingen xabarlamada. Osığan oray, Astana qalası IID atalğan azamatşanıñ zañsız äreketinen jäbir körgen adamdardı Almatı awdanınıñ IIB-ğa 8(7172) 71-67-59, 71-67-10 telefondarı nemese 87017577756 uyalı telefonına xabarlaswların suraydı.

Sonımen birge mına närselerdi turğındar nazarına saladı. Atap aytqanda, azamattarğa saq jäne abay bolwların, beytanıs adamdarğa esik aşpawların jäne olardı päterge kirgizbewin, eger esikti aşqan jağdayda kelwşiniñ tegin, atı-jönin, jumıs ornın jäne kim bolıp jumıs isteytinin suraw kerektigin eskertedi. «Keyin onıñ jumıs isteytin uyımına xabarlasıp, ol twralı surap bilwdi usınadı. Alayaqtar özderin älewmettik uyımdardıñ qızmetkerlerimiz dep tanıstırıp, järdemaqı nemese älewmettik tölemder, jeñildik jol jürw bïletterin alw üşin qujattardı resimdewge, jeñildik boyınşa medïcïnalıq quraldar alıp berwge kömektesemiz dep qarttardıñ senimine kiredi» dep eskertedi Astana qalası IID

Bölisw: 

Pikir 1

Mindetti*

  1. Jan: atw kerek ayawandı