Nukte.kz > قوعام > ماقالا مازمۇنى

مەديتسينا قىزمەتكەرى كەيپىندە زەينەتكەرلەردىڭ قارجىسى مەن التىندارىن جىمقىرىپ جۇرگەن الاياق-ۇرى ۇستالدى

جەدەل – ىزدەستىرۋ ءىس-شارالارىن جۇرگىزۋ بارىسىندا «الماتى» اۋدانىنىڭ ءىىب كريمينالدىق پوليتسييا ءبولىمىنىڭ قىزمەتكەرلەرى قارت ادامداردىڭ قارجىسى مەن التىندارىن الاياقتىق جاساپ جىمقىرىپ كەلگەن شىعىس قازاقستان وبلىسىنىڭ 36 جاسار تۇرعىنى ۇستالدى دەپ حابارلايدى ەلوردا ينفو استانا قالاسى ءىىد-نە سىلتەمە جاساپ.

قۇزىرلى ورگاننىڭ مالىمەتىنشە, سوتقا دەيىنگى تەرگەپ-تەكسەرۋ بارىسىندا انىقتالعانى, كۇدىكتى قارت ادامدارعا ءوزىن مەديتسينا قىزمەتكەرىمىن دەپ تانىستىرعان. سول بويىنشا مەديتسينالىق ءدارى-دارمەك ساتىپ الامىن دەپ ولاردى الداۋ ارقىلى اقشا قاراجاتىن يەلەنگەن جانە قارت ادامداردىڭ نازارىن اۋدارىپ, التىن بۇيىمدارىن ۇرلاعانى انىقتالعان. «قازىرگى ۋاقىتتا الماتى اۋدانى ءىىب تەرگەۋ ءبولىمى قر قك 188 جانە 190-باپتارى بويىنشا سوتقا دەيىنگى تەرگەپ-تەكسەرۋ جۇرگىزۋدە.

تەرگەۋ ارەكەتتەرىن جۇرگىزۋ بارىسىندا جابىرلەنۋشىلەر ولار تانىدى. قازىرگى ۋاقىتتا 4 جابىرلەنۋشى پوليتسييا قىزمەتىنە جۇگىندى» دەلىنگەن حابارلامادا. وسىعان وراي, استانا قالاسى ءىىد اتالعان ازاماتشانىڭ زاڭسىز ارەكەتىنەن ءجابىر كورگەن ادامداردى الماتى اۋدانىنىڭ ءىىب-عا 8(7172) 71-67-59, 71-67-10 تەلەفوندارى نەمەسە 87017577756 ۇيالى تەلەفونىنا حابارلاسۋلارىن سۇرايدى.

سونىمەن بىرگە مىنا نارسەلەردى تۇرعىندار نازارىنا سالادى. اتاپ ايتقاندا, ازاماتتارعا ساق جانە اباي بولۋلارىن, بەيتانىس ادامدارعا ەسىك اشپاۋلارىن جانە ولاردى پاتەرگە كىرگىزبەۋىن, ەگەر ەسىكتى اشقان جاعدايدا كەلۋشىنىڭ تەگىن, اتى-ءجونىن, جۇمىس ورنىن جانە كىم بولىپ جۇمىس ىستەيتىنىن سۇراۋ كەرەكتىگىن ەسكەرتەدى. «كەيىن ونىڭ جۇمىس ىستەيتىن ۇيىمىنا حابارلاسىپ, ول تۋرالى سۇراپ ءبىلۋدى ۇسىنادى. الاياقتار وزدەرىن الەۋمەتتىك ۇيىمداردىڭ قىزمەتكەرلەرىمىز دەپ تانىستىرىپ, جاردەماقى نەمەسە الەۋمەتتىك تولەمدەر, جەڭىلدىك جول ءجۇرۋ بيلەتتەرىن الۋ ءۇشىن قۇجاتتاردى رەسىمدەۋگە, جەڭىلدىك بويىنشا مەديتسينالىق قۇرالدار الىپ بەرۋگە كومەكتەسەمىز دەپ قارتتاردىڭ سەنىمىنە كىرەدى» دەپ ەسكەرتەدى استانا قالاسى ءىىد

ءبولىسۋ: 

پىكىر 1

مىندەتتى*

  1. جان: اتۋ كەرەك اياۋاندى