Nukte.kz > Slider > Maqala mazmunı

Äkimşilik ayıppuldardı tölew «Astana-ERC» tübirtegine de engizildi

Osı aydan bastap Astana turğındarı äkimşilik ayıppuldardı «Astana-ERC» tübirtegi boyınşa  töley aladı. Bul twralı «Astana» radïosı men «Elorda Aqparat» medïa reswrsımen birlesken särsenbilik «Elorda tınısı» radïo bağdarlamasında  «Astana-ERC» JŞS birıñğay tölem qujatı basqarmasınıñ basşısı Elena Yugrïnova mälimdedi, dep xabarlaydı «Elorda Info» tilşisi.

«Osı aydan bastap biz tübirtekke jol qozğalısı erejelerin buzw jäne quqıq tärtibin buzw boyınşa äkimşilik ayıppuldar tölemin engizdik. Bizdiñ turğındar «äkimşilik ayıppul» degen mätin payda bolğan tübirtekti tölegen kezde muqïyat bolw kerek», — deydi Elena Yugrïnova. Onıñ aytwınşa, bïılğı jılı äkimşilik ayıppuldar boyınşa tölenetin tübirtekterdi 3400 mıñ adam aladı. Ayıppul twralı mälimetterdi Astana qalasınıñ Işki ister departamenti berdi.

Sonday-aq, «Astana-ERC» tübirtegindegi äkimşilik ayıppuldardı tölegende banktiñ komïssïyası özgermeydi. — «Astana-BEO» JŞS birıñğay tölem qujatı basqarması 2008 jıldıñ tamızında qalalıq äkimdiktiñ qoldawımen «Astana sw arnası» memlekettik kommwnaldıq käsipornınıñ bazasında qurılğan bolatın, — degen Elena Yugrïnova, — qazirgi waqıtta bizdiñ mekeme 270 mıñ abonentke qızmet körsetedi. Päterlerge, yağnï jeke tulğalarğa élektr jarığı, jılw, sw, gaz, telekomwnïkacïya, domofon jüyesi, salıq, jalğa berw, turğın üyge jöndew jürgizw sïyaqtı qızmet türleri boyınşa klïenttik baza 500 qızmet jetkizwşini quraydı, — deydi.

Jaqında mekemeniñ öz jumıstarın jarïyalaytın arnayı gazet baspasınıñ şığarğanın aytqan «Astana-ERC» JŞS birıñğay tölem qujatı basqarmasınıñ basşısı qazirgi waqıtta sayt jobasınıñ jasalıp jatqanın jetkizdi. Elena Yugrïnovanıñ aytwınşa, büginde türğındar atalmış gazet arqılı osı salağa qatıstı aqparattarğa qanıq boladı. Eger kökeylerindegi sawalğa mamandardan jawap alğısı kelse, gazet redaktorına xabarlaswlarına bolatının aytadı birıñğay tölem qujatı basqarmasınıñ basşısı. — Ay sayın 270 mıñ abonentke osınşama konvert joldanadı. Är konverttiñ işinde eki paraqtan boladı. Sonda esepteseñiz, ayına 540 mıñ qağaz jumsaladı. Biraq qağazbastılıqtan arılatın künniñ qaşan twatını äzirge belgisiz. Öytkeni turğındardıñ basım köpşiligi aqparattı qağaz küyinde alğısı keledi. Äytpese konverttiñ işindegi aqparattıñ élektrondı nusqasın da jibere alamız. Oğan mümkindigimiz de tolıq jetkilikti, — deydi E. Yugrïnova tağı bir sözinde.

Mekeme basşısınıñ aytwınşa, «Astana-ERC» JŞS birıñğay tölem qujatı basqarmasınıñ call ortalığı «Astana sw arnası» käsipornınıñ quzırına berilgen. Qazirgi waqıtta «Astana-ERC» JŞS-te tek eki operator ğana jumıs isteydi eken. Olar turğındardıñ qoñırawına jawap berip, ötinişterin qabıldap, key kezderi baylanıstı arnayı mamandarmen jalğaytın körinedi

Bölisw: 

Pikir 0

Mindetti*