Nukte.kz > Slider > ماقالا مازمۇنى

اكىمشىلىك ايىپپۇلداردى تولەۋ «استانا-ەرتس» تۇبىرتەگىنە دە ەنگىزىلدى

وسى ايدان باستاپ استانا تۇرعىندارى اكىمشىلىك ايىپپۇلداردى «استانا-ەرتس» تۇبىرتەگى بويىنشا  تولەي الادى. بۇل تۋرالى «استانا» راديوسى مەن «Elorda Aqparat» مەديا رەسۋرسىمەن بىرلەسكەن سارسەنبىلىك «ەلوردا تىنىسى» راديو باعدارلاماسىندا  «استانا-ەرتس» جشس بىرىڭعاي تولەم قۇجاتى باسقارماسىنىڭ باسشىسى ەلەنا يۋگرينوۆا مالىمدەدى, دەپ حابارلايدى «Elorda Info» ءتىلشىسى.

«وسى ايدان باستاپ ءبىز تۇبىرتەككە جول قوزعالىسى ەرەجەلەرىن بۇزۋ جانە قۇقىق ءتارتىبىن بۇزۋ بويىنشا اكىمشىلىك ايىپپۇلدار تولەمىن ەنگىزدىك. ءبىزدىڭ تۇرعىندار «اكىمشىلىك ايىپپۇل» دەگەن ءماتىن پايدا بولعان تۇبىرتەكتى تولەگەن كەزدە مۇقييات بولۋ كەرەك», — دەيدى ەلەنا يۋگرينوۆا. ونىڭ ايتۋىنشا, بيىلعى جىلى اكىمشىلىك ايىپپۇلدار بويىنشا تولەنەتىن تۇبىرتەكتەردى 3400 مىڭ ادام الادى. ايىپپۇل تۋرالى مالىمەتتەردى استانا قالاسىنىڭ ىشكى ىستەر دەپارتامەنتى بەردى.

سونداي-اق, «استانا-ەرتس» تۇبىرتەگىندەگى اكىمشىلىك ايىپپۇلداردى تولەگەندە بانكتىڭ كوميسسيياسى وزگەرمەيدى. — «استانا-بەو» جشس بىرىڭعاي تولەم قۇجاتى باسقارماسى 2008 جىلدىڭ تامىزىندا قالالىق اكىمدىكتىڭ قولداۋىمەن «استانا سۋ ارناسى» مەملەكەتتىك كوممۋنالدىق كاسىپورنىنىڭ بازاسىندا قۇرىلعان بولاتىن, — دەگەن ەلەنا يۋگرينوۆا, — قازىرگى ۋاقىتتا ءبىزدىڭ مەكەمە 270 مىڭ ابونەنتكە قىزمەت كورسەتەدى. پاتەرلەرگە, ياعني جەكە تۇلعالارعا ەلەكتر جارىعى, جىلۋ, سۋ, گاز, تەلەكومۋنيكاتسييا, دوموفون جۇيەسى, سالىق, جالعا بەرۋ, تۇرعىن ۇيگە جوندەۋ جۇرگىزۋ سيياقتى قىزمەت تۇرلەرى بويىنشا كليەنتتىك بازا 500 قىزمەت جەتكىزۋشىنى قۇرايدى, — دەيدى.

جاقىندا مەكەمەنىڭ ءوز جۇمىستارىن جارييالايتىن ارنايى گازەت باسپاسىنىڭ شىعارعانىن ايتقان «استانا-ەرتس» جشس بىرىڭعاي تولەم قۇجاتى باسقارماسىنىڭ باسشىسى قازىرگى ۋاقىتتا سايت جوباسىنىڭ جاسالىپ جاتقانىن جەتكىزدى. ەلەنا يۋگرينوۆانىڭ ايتۋىنشا, بۇگىندە تۇرعىندار اتالمىش گازەت ارقىلى وسى سالاعا قاتىستى اقپاراتتارعا قانىق بولادى. ەگەر كوكەيلەرىندەگى ساۋالعا مامانداردان جاۋاپ العىسى كەلسە, گازەت رەداكتورىنا حابارلاسۋلارىنا بولاتىنىن ايتادى بىرىڭعاي تولەم قۇجاتى باسقارماسىنىڭ باسشىسى. — اي سايىن 270 مىڭ ابونەنتكە وسىنشاما كونۆەرت جولدانادى. ءار كونۆەرتتىڭ ىشىندە ەكى پاراقتان بولادى. سوندا ەسەپتەسەڭىز, ايىنا 540 مىڭ قاعاز جۇمسالادى. بىراق قاعازباستىلىقتان ارىلاتىن كۇننىڭ قاشان تۋاتىنى ازىرگە بەلگىسىز. ويتكەنى تۇرعىنداردىڭ باسىم كوپشىلىگى اقپاراتتى قاعاز كۇيىندە العىسى كەلەدى. ايتپەسە كونۆەرتتىڭ ىشىندەگى اقپاراتتىڭ ەلەكتروندى نۇسقاسىن دا جىبەرە الامىز. وعان مۇمكىندىگىمىز دە تولىق جەتكىلىكتى, — دەيدى ە. يۋگرينوۆا تاعى ءبىر سوزىندە.

مەكەمە باسشىسىنىڭ ايتۋىنشا, «استانا-ەرتس» جشس بىرىڭعاي تولەم قۇجاتى باسقارماسىنىڭ call ورتالىعى «استانا سۋ ارناسى» كاسىپورنىنىڭ قۇزىرىنا بەرىلگەن. قازىرگى ۋاقىتتا «استانا-ەرتس» جشس-تە تەك ەكى وپەراتور عانا جۇمىس ىستەيدى ەكەن. ولار تۇرعىنداردىڭ قوڭىراۋىنا جاۋاپ بەرىپ, وتىنىشتەرىن قابىلداپ, كەي كەزدەرى بايلانىستى ارنايى ماماندارمەن جالعايتىن كورىنەدى

ءبولىسۋ: 

پىكىر 0

مىندەتتى*