Nukte.kz > Slider > Maqala mazmunı

Tekti bilw tektilik desek te…

fwtbolka

Astanağa barğan jannıñ «Xanşatır» oyın – sawıq ortalığına kirmey ketetinderi kem de kem şığar. Tayawda elimizdiñ bas qalasında bolğanımda atalğan ortalıqtıñ 2-qabatında jarnaması şınınıñ sırtınan jarqırap, jürginşini elewsiz ötip kete almaytın sawda nüktesine men de bas suqtım. Dükendegi ulttıq naqışta örnektelgen kïim ülgileri tutınwşını özine eriksiz tartatınday ädemi-aq. Sabırjan Ayrïn esimdi qazaqstandıq sängerdiñ avtorlıq kïim ülgileriniñ dükeni eken.

Jasıratını joq, qazaqstandıq şeberdiñ sän älemine xalqımızdıñ oyu-örnegimen bezendirilgen kïim ülgilerin äkelgeni qwanttı. Altın barıs beynelengen kürteşe de, oyumen kömkerilgen jeydeler de qazaq elinde dayındalğan tawar ekenin anadaydan paş etip tur.  Dükenniñ orta tusına xalıq köbirek jïnalıp qalıptı. Eñ jaqsı tawar sol jerde bolar degen oymen men de jaqındadım…

Qazaq rwlarınıñ attarı jazılıp, rw tañbaları   beynelengen jazdıq   jeydelerdiñ är alwan tüsteri samsap tur. Jalayır, Dwlat, Şapıraştı, Arğın, Nayman, Qıpşaq, Waq, Kerey, Aday, Beriş, Tabın… Alğaşqıda añtarılıp qalğan men jan-jağıma qarasam, ärkim öz tegi jazılğan jeydeni izdep älek. Kezdesken bette tanıstıqtı bir – biriniñ rwın surawdan bas-taytın qazaqqa bul jerde artıq äñgimeniñ qajeti de joq. Qay rwdan ekeni qolına ustağan tawarda jazılıp tur. «3 – 4 jastağı Adayğa däl jeydeniñ aq tüsi joq pa eken?» dep janına barğan jigitke satwşı qajetin tawıp berdi. Pendemiz ğoy, men de äwletimizdiñ eki kişkentayına arnap alayın dep «Arğındardıñ» jeydesin qolıma ustağan betim edi, janıma jaqın kelgen boyjetken: «Siz de Arğınsız ba?» dep betime surawlı közben qaradı. Jüzinde jaqının körgendey jılılıq bar, jımïıp tur…  Eki jeydeni alıp, satwşımen esep ayırıstım. Menen keyin jañağı «twısım», odan äri kezekte Dwlat, Kerey, Nayman, Aday, Şapıraştı bawırlar turğan…

Altı Alaştıñ bas qosqan Astanada qay rwdıñ ökilderi joq deysiñ? Endeşe, osı jerdegi eñ ötimdi tawar da rw attarı jazılğan jeydeler sïyaqtı.

Sırtqa şığıp aynalama köz tastadım. Burın bayqala bermeytin üyrenşikti körinis osı jolı basqaşa körindi. Ärïne qazaqtıñ astanası bolğandıqtan jürginşilerdiñ de basım böligi jergilikti ult bolwı zañdılıq. Degenmen, bärimiz Sabırjan Ayrïnniñ jeydelerin kïip köşege şığıp ketsek ne bolar eken… Oylawdıñ özi qorqınıştı sïyaqtı… Tawar ötkizw üşin käsipkerler ne oylap tappaydı deseñizşi! Rwınıñ atı aytılsa, örtke tïgen dawılday örekpï jöneletin qazaq balası üşin bügin rwjandılıq emes, ultjandılıq kerek ekenin esten şığarıp almasaq bolğanı.

Rïza Moldaşeva

Bölisw: 

Pikir 3

Mindetti*

  1. marat: Dwrıs kop bop kettï osınday
  2. Zawre: Jaqsı ğoy fwtbolkada rwıñ tursa nesi jaman?
  3. Quwanış: QAZAQ ruwdan quraladı, tamırın tereñge jayğan bäyterektey!